Peranak Rumah Augustine ke tasah angus deka nerima bantu ari perintah besai
KUCHING: Perintah besai dipelaba deka meri bantu belanja ngagai peranak ti tasah angus ari Rumah Augustine, Gran Limu kena Hari Lima tu.
Mandal Chairman DAP Sarawak, Leon Jimat Donald madahka bantu belanja deka disua Chairman DAP Sarawak enggau Pakatan Harapan Sarawak, Chong Chieng Jen ba Rumah Romeo Serit, Kampung Munggu Demam di Undup, Sri Aman.
Iya madahka Chong, ti nyadi Sapit Menteri Dagang Dalam Menua, Koperasi enggau Orang Bebelika Barang (KPDNKK), deka ngabas sida ti tasah seraya bejadika program opis menteri ba Rumah Romeo Serit.
“Perintah Besai Pakatan Harapan endang siruka peminta rayat. YB Chong Chieng Jen, ti nyadi Sapit Menteri KPDNKK, empu deka datai nyuaka bantu belanja ti diberi ngagai peranak rumah panjai, mantu sida lebuhka dituntung penusah,” ku iya madah kemari.
Ku iya, DAP Sarawak kena Hari Minggu tu tadi udah nganjung bantu 40 kutak ai irup, berau enggau pemakai bukai ngagai sida ti tasah.
Leon, ti mega Ketuai DAP Sri Aman, ngelawa endur penusah nyadi begulai enggau Sapit Chairman Pampang Bennet Empi, enggau Yen Jebeni, Lawrence Temba sereta Baharudin Karim ari PKR.
Gran Limu pegai sitak Parlimen Batang Lupar, lalu disengkaum ba penuduk Lingga.
Urung 50 iku nadai agi endur diau pengudah api nganguska 24 pintu bilik rumah panjai kena 13 September tu tadi. Api dipadah bepun ari siti ari dapur urung pukul 2.30 lemai sebedau nyerarai ngagai kesemua rumah panjai.
Raban Opis Pengerara Api enggau Penyah Penusah (Bomba) enda teraraka api ti nganguska rumah nyentukka tanah. tukar 4x4 ari Kuching, Sibu enggau Bintulu berengkah ngatur pejalai matau minggu nyin tadi ngelawa menua Batu Keling, Belaga, urung iya penyauh semilan jam pejalai ari mengeri Sibu.
Ku Awang SA, pengari ari rumah panjai, bisi 15 ruang bilik dia, mayuh agi ti deka datai tang pekara nya lubah dikereja ketegal suntuk belanja.
Rumah panjai tu nadai bekal ai enggau kuasa karan.
Awang mega madah ngagai Hope Place ke alai semua anak mit enggau nembiak mit ngirup tusu (tusu pekat) laban suntuk belanja meli tepung.
Mayuh bala nembiak mit sakit lalu kelinik ke pemadu semak dilawa ke bisi lima jam penyauh. Sida napi penanggul perengka pengangkut, lalu tebal agi ruang bilik kelalu seranta deka nganjung bala anak sida besekula.
Rumah panjai nadai ngembuan jemari, tilam udah kelalu luya, kamah sereta udah retai.
Ketegal musim kemarau, ai sungai sida nyadi mabu lalu ikan udah mindah endur nya. Sida mega berapi ngena dapur kayu.
Hope Place nganjung bantu tiga bulan sekali lalu diatu mantu lebih ari 180 buah ruang bilik.
Penerang silik, mensia mayuh tau betanya ngagai Hope Place ba lumur 0135672775 tauka 082-505987 ari Hari Satu ngagai Hari Lima (8.30 pagi ngagai 12 tengahari enggau 2 lemai nyentuk ke 5 lemai) enggau Hari Enam (9 pagi nyentuk 12 tengahari).
Mensia mayuh mega ulih meri bantu ngagai Hope Place nengah akaun Maybank 5112-8900-1160.