Andy Willson diangkat nyadi champion Pekit Ngaga Logo enggau Motto URDA
KAPIT: Pemutus kepenudi Pekit Logo Enggau Motto Raban Ejensi Pemansang Ulu Rajang (URDA) 2018 udah dibantai kena Hari Dua tu tadi rambau Pengawa Meri Penerang Pemansang URDA, diatur ba Palan Sivik Kapit.
Gelar champion diempu Andy Willson Anak Anderu, ti gawa ba Opis Pelajar Song, enggau Motto ‘ Reaching Beyond Boundaries’, iya nerima perais mata duit RM 5,000.
Nerima perais sagu ati bela penyampau RM200 iya nya Sapit Residen Kapit, Galong Luang – Powering Prosperity, SESCO Kapit’ Collin Anak Jonathan Nyambong – Pemangkin Kemajuan Wilayah Rajang, freelance cinematographer Yeong Ngie Kiong – Powerhouse of Tomorrow,Pemesai Opis Pelilih Belaga Jasly Jully – To Foster Sustainable Advancement sereta staf ari SK Nanga Sama, Christina Anak Anthony Blikau – Strike Towards Better Rajang.
Sapit Kepala Menteri Sarawak Tan Sri Datuk Amar Dr James Jemut Masing, ti nyadi chairman URDA udah nyuaka perais ngagai lima iku penerima.
Sama bisi datai ngemataka pengawa nya, Ketuai Pemesai Eksekutif RECODA Datu Haji Ismawi Bin Haji Ismuni, Kaban Parlimen (MP) Hulu Rajang, Datuk Wilson Ugak Kumbong, MP Kanowit, Datuk Aaron Ago Dagang, Kaban Kunsil Nengeri (ADUN) Katibas Datuk Ambrose Blikau Enturan, ADUN Pelagus Wilson Nyabong Ijang, ADUN Bukit Goram Jefferson Jamit Unyat, Residen Kapit Joseph Belayong Punan, Sekretari Politik Kepala Menteri Sarawak , Tapah Ata enggau Nicholas Kudi Jantai, Pemesai Pelilih Kapit Elvis Didit, Pemesai Pelilih Bukit Mabong Douglas Pungga, Pemesai Pelilih Song Jackine Bte August, Ketuai Kunsil Opis Pelilih Menua Philimon Nuing, bala ketuai mayuh bengkah opis perintah sereta bala ketuai komuniti.