Ngambika ketuai komuniti di Pelilih Kanowit, Bagi Menua Kapit nemu program enggau atur pemansang ke diperambu
KAPIT: Sapit Kepala Menteri Sarawak Tan Sri Datuk Amar Dr James Jemut Masing udah bejadika Pengawa Meri Penerang ke diatur sehari, sentang Pemansang Dalam Kandang Ejensi Pemansang Ulu Rajang (URDA) ti diatur ba Palan Sivik Kapit kena pagi Hari Dua tu tadi.
Batang tuju nya meri penerang ngagai bala ketuai komuniti di Kanowit enggau Bagi Menua Kapit ti mungkur Song, Kapit, Bukit Mabong enggau Belaga senentang pengawa enggau batang pengawa URDA.
Dikearap sida ulih meretika mayuh bengkah projek infrastruktur enggau penyikap perengkaguna ti diperambu enggau dikemendar sereta dikena ngerembaika penerang ti beguna ngagai rayat renggat baruh nama program enggau aktiviti pemansang ba Bagi Menua Kapit enggau Pelilih Kanowit.
“Kitai udah ngatur aum tiga hari berunggu taun tu, 26 ngagai 28 Febuari, ‘URDA Special Lab’ ti disereta semua pengari rayat, ejensi perintah bekaul opis perintah, bala kaunsilor sereta semua bala ketuai komuniti. Ari tiga hari ‘special lab’ nya, kitai udah ngerintai nama projek infrastruktur enggau penyikap perengkaguna pemun ti deka digaga,” ku Masing nerang.
Asil pejurai udah digumpul lalu dianjung ngagai Kepala Menteri Sarawak Abang Johari. Iya chukup lantang ati lalu ngemendarka RM1 bilion dikena bejalaika projek ungkup penyikap perengka guna baka bekal ai, jalai, bekal kuasa karan, tang pekara bukai bedau bisi.
Nya kebuah sida ngatur randau baru, iya (Masing) minta tetiap iku pengari rayat (MP enggau ADUN) nama bagi projek sida.
Semua sida bela nganjung rintai projek pemansang diri empu lalu dipekunsi begulai
Kitai udah ngatur aum tiga hari berunggu taun tu, 26 ngagai 28 Febuari, ‘URDA Special Lab’ ti disereta semua pengari rayat, ejensi perintah bekaul opis perintah, bala kaunsilor sereta semua bala ketuai komuniti. Ari tiga hari ‘special lab’ nya, kitai udah ngerintai nama projek infrastruktur enggau penyikap perengkaguna ti deka digaga. Tan Sri Datuk Amar Dr James Jemut Masing Sapit Kepala Menteri Sarawak
antara sida.
Ku iya, Kepala Menteri bisi projek lalu udah ngagihka projek lebuh ke nemuai seraya gawa. Iya nadai nemuai ngagai Baleh, nya alai iya (Masing) minta mayuh agi, Baleh bisi urung RM300 juta projek infrastruktur. Tu patut diperumban dalam timpuh dua taun, 2019 ngagai 2020.
“Dua taun deka datai bejalaika semua projek udah dikemendar beungkus RM1.472 bilion. URDA meseti sikar gawa. Penanggul iya, kitai semua nemu nama pengawa udah digaga URDA, keretas kereja - DatuIsmuni, aku empu enggau semua MP enggau YB, bala ketuai opis perintah. Tang rayat enda nemu.
Nya kebuah, kitai ngatur pengawa meri penerang URDA sehari tu, ngangauka semua ketuai raban bansa enggau ketuai komuniti ngambika sida nemu senentang projek pemansang enggau penyampau belanja.
“Tu ngena mayuh amat belanja lalu rayat meseti nemu nama pengawa dipejalaika perintah nengeri ungkup sida. Nya kebuah dua taun agi Kapit enggau Kanowit deka bisi mayuh kereja dipejalai. Kitai dekaka raban renggat baruh nemu projek tu ngambika lebuh projek nya dipejalai, nadai penanggul ti nekul.
“Tejuka projek dipejalai enggau lanchar. Majak jampat kitai gawa enggau tembu, manah agi, pulaika pemaik rayat. Dikearap pengawa sehari tu rayat deka meretika pengawa dipejalaika perintah. Ba aku, pekara tu beguna amat. Dalam timpuh dua taun, Kapit deka berubah ketegal semua projek tu. Tu bida iya,” ku Masing.
“Aku benasit amat laban semua YB bisi begempuru ditu, Taja bisi ngelakuka projek, sida bisi pengagit ‘meri enggau nerima’ datai begulai. Nya kebuah aku chukup lantang enggau bala MP enggau ADUN.
“Semua kitai ditu begem- pung nyadi siti, kitai bekereja nyadi siti tim. Tu ngasuh pengawa bejalai enggau ngagihka projek perintah muntang agi dikereja. Kelimpah ari projek URDA beungkus RM1.4 bilion, bisi mega projek perintah bukai deka datai. Dalam tiga sitak parlimen lalu semua penyampau projek perintah manggai RM4 bilion ti nyengkaum Projek Transformasyen Menua Pesisir (RTP) enggau ke bukai,” ku iya.
Lebuh ditanya, iya madah, ke amat URDA deka bisi begunan kediri empu di Kapit. Nya kebuah kitai bisi ngatur pekit ngaga logo URDA.
Bala pesereta iya nya bala pengari rayat ari baruh URDA ti mungkur pelilih Kanowit enggau Bagi Menua Kapit, Song, Kapit, Bukit Mabong enggau Belaga, mayuh bengkah opis perintah enggau ejensi sereta bala ketuai komuniti.
Sama bisi datai, CEO URDA Datu Haji Ismawi B HjIsmuni, MP Kanowit Datuk Aaron Dagang, MP Hulu Rajang Datuk Wilson UgakKumbong, ADUN Katibas Datuk Ambrose Blikau, ADUN Pelagus Wilson Nyabong Ijang, ADUN Bukit Goram Jefferson Jamit Unyat, Residen Kapit Joseph Belayong, Sapit Residen Kapit Galong Luang, Sekretari Politik Kepala Menteri Sarawak Tapah Ata enggau Nicholas Kudi Jantai, Ketuai Opis Kaunsil Kapit Philimon Nuing, Pemesai Pelilih Song Jacklyn August, Pemesai Pelilih Kapit Elvis Didit enggau Pemesai Pelilih Bukit Goram Douglas Pungga, OCPD Kapit DSP Freddy Bian, Penulung Direktor Opis Betanam Betupi Badin Unor sereta bala bukai.
Temengong Wilfred Billy Panyau, Temenggong tan Kian Hoo, Pemanca Yong Thu Fook, Pemancha Enggin Nyipa, Pemancha David Dian, Pemancha Haji Wasli Nor, Penghulu Sia Shui Poh, Penghulu Wong KieIng, Penghulu Pasang Tubak, Penghulu Haji Abang Hamzah Bolassan, Penghulu Undie Bajal, Penghulu Lawrence Bandat, Kapitan Yiap Yii Hoo, sereta bala bukai antara bala ketuai komuniti ti bisi datai.