Kolej Teknikal Miri ngelalau raban nembiak ngerejister diri ungkup sesi Sept/Okt
MIRI: Kolej Teknikal Miri ngelalau bala nembiak ti deka ngulihka penemu dalam bidang pengelandik datai ngerejister diri nyadi siku ari nembiak kolej nya ke diatu benung tebuka ungkup sesi September/ Oktober taun tu.
“Seriris enggau Revolusyen Industri 4.0 ( IR 4.0), pekereja ti ngembuan penemu ke tinggi dalam bidang pengelandik endang mayuh nerima peminta ari raban pengaji.
“Nya alai, bala nembiak enda ngira penatai asal tauka tikas akademik dilalau datai ngerejister diri enggau Kolej Teknikal Miri dikena nambahka penemu sida dalam bidang pengelandik ngambika nadai penanggul lebuh ti minta kereja,” ku Pemesai Marketing Kolej Teknikal Miri Inna Jerman.
Rejister ungkup maasuk sesi September/Oktober ba kolej tu deka ditutup kena 15 Oktober ti deka datai, lalu bayar masuk iya nya semina RM200 sereta tempat diau bisi disedia.
“Bala pengelicha iya nya sida ti landik dalam industri lalu nitihka rikod, lebih ari 500 iku graduet ti udah nembuka pelajar sida diatu udah teulihka pengawa dalam sektor industri pengelandik.
“Kelimpah ari nya, un- gkup sida ti udah nembuka tikas pelajar Setipikit Pengelandik Malaysia (SKM) ba tikas 2 enggau 3 ti deka neruska pelajar dalam Diploma Pengelandik Malaysia kelebih agi ba bidang Mekatronik endang dikangau datai ngerejister diri enggau kolej tu. Bayar ungkup sida ti deka nambahka tikas penmgelandik iya nya semina RM300,” ku iya nandu.
Rejister ulih digaga nengah chara ‘ on- line’ ba website www.mtech.edu. mywww. mtech. edu. my tauka ulih betelefon tauka ‘Whatsapp’ terus ngagai Inna ba lumur 012-9125066 enggau 012-5312661.
Kolej Teknikal Miri tu udah dituku Opis Menteri Pengereja Pengawa lalu bisi peluang ti besai kereja dalam bidang minyak enggau gis ti mega ulih nyapai tikas gaji datai ba RM2,500 nyentuk RM5,000 sebulan.