Lebih 300 deriba moto begelumu di Lundu
LUNDU: Lebih 300 penunggang motosikal kuasa tinggi di Sarawak enggau Indonesia begelumu ba Lundu kemari.
Sida tu datai ari bala kaban 10 kelab moto nyereta Program Bikers Meet Bikers Pesta Lundu berambaika jaku Lundu The Begining Of Borneo.
Kelab ti matak perati iya nya kelab moto ari Sambas Indonesia.
ADUN Tanjong Datu, Datuk Amar Jamilah Anu madah pengawa ngatur Bikers Meet Bikers Pesta Lundu nyadi pematak bala pengusung datai ngusung pelilih Lundu.
Kenu ku iya, tu dikena meransang aktiviti bepengerai ngagai bala komuniti pupu bansa.
“Kelimpah ari matak penatai bala pengusung ngagai Lundu, tu mega dikena ngerapitka tanggam kaul antara kaban kelab.
“Aktiviti kelab moto meri peransang aktiviti ngaul komuniti ari raban nembiak sereta bemacham renggat umur,” ku iya.
Iya mega seruran nyukung semua aktiviti diatur Gading Lundu Sematan Bikers ti meri pemaik ngagai bala komuniti.
Ku iya, kelab ti bisi 60 iku kaban diperansang ngaul diri semak enggau komuniti nengah program beripai.
Program besai diatur Opis Pelilih Lundu enggau kerejasama Gading Lundu Sematan Bikers.
Lebih 1,000 pengusung nedat mua laman Medan Selera Lundu deka meda aktiviti sepanjai program diatur.
Antara program bisi diatur iya nya chabut tikit benasit enggau pekit Exhaust Thundering kategori Moped/Cub enggau kategori Big Bike.
Bela diatur Pengawa Besilihka Tepa enggau 10 Kelab Permotoran.