Opis perintah ti bekaul patut terit agi enggau kunteriktor Ngambika projek ti digaga sida tembu nitihka timpuh ti udah ditetap
MUKAH:Opis perintah ti megai tanggungpengawa meseti matau tetiap projek meseti nentuka nya bejalai nitihka timpuh ke udah dilangkar.
Kaban Kunsil Nengeri (ADUN) Jemoreng Datuk Juanda Jaya irau ke dua projek ti bisi di kandang menua dipegai iya, nyentukka diatu agi laun ari timpuh ke ditetap.
“Dua projek ti dipadah iya nya begunan Opis Pelilih Matu enggau mega projek ngaga Stesyen Betanam Betupi Kuala Igan,” ku iya madah ngagai Utusan Borneo bedau lama.
Kededua projek tu ku iya endang patut disiap nitihka timpuh laban semua projek tu ungkup guna rayat.
“Begunan opis pelilih tu udah enda likun dikena lalu stesyen betanam betupi endang patut dikena ngangkat tikas ekonomi peranak ditu,” ku iya nerang.
Berindik ari nya, Opis Kereja Raya (JKR) Kandang Menua Tengah di Sibu, diansak ngambi matau enggau silik pekara tu laban udah dilempaika tanggungpengawa ngagai sida bekaul projek tu.
Juanda mega madah, kededua projek tu udah nerima surat tangkan ari JKR, tang nyentukka diatu nadai ubah ti bisi dipeda ke digaga sida ba kededua projek tu.
“Aku ngarap JKR terit agi enggau kunteriktor ngambika sida ulih ngadu pengawa enggau lengkas sereta nitihka timpuh ke udah ditetap,” ku iya nambah.
Begunan opis pelilih ti baru patut tembu kena 4 Jun 2019 lalu stesyen betanam betupi patut tembu kena 22 Julai ba
Aku ngarap JKR terit agi enggau kunteriktor ngambika sida ulih ngadu pengawa enggau lengkas sereta nitihka timpuh ke udah ditetap. Datuk Juanda Jaya ADUN Jemoreng
taun ti sama.
Juanda udah ngabas kededua projek bedau lama ti udah dikena meda tikas pejalai projek di kandang menua nya.