35 iku nembiak, pengajar SK Semerah Padi udah nemuai seraya belajar ke Melaka
KUCHING: Bisi 35 iku nembiak nyengkaum pengajar pengiring Sekula Primari (SK) Semerah Padi, Kuching nemuai seraya belajar ke Melaka mengeri besejarah, apin lama.
Nitihku ketuai penemuai ti mega kepala pengajar sekula nya Ismail Ibrahim, nemuai seraya belajar nya diatur Pusat Sumber begulai enggau Kelab Doktor Muda sekula nya, ti diperambu kenyau pun bulan Januari taun tu sereta nerima timbal positive ari apai indai.
“Penemuai tu amat besai reti kelebih agi ngagai bala nembiak ke meri peneleba ti besai reti sepemanjai sida besekula ba SK Semerah Padi.
“Lebuh program tu diperambu ulih pengajar Pusat sumber, aku ke nyadi raban pengatur nyukung 100 peratus. Apai indai mega meri timbal ti manah sereta bisi sekeda nya gerah jari meri pemeri enggau melanja penemuai nya.
“Aku ngarapka maya ke bukai mega kitai ulih ngatur penemuai ke menua luar,” ku Ismail.
Entara palan besejarah ke dilawa baka Kota Famosa, Menara Taming Saring, Pantai Klebang, Muzium Kapal selam, neresa Sungai Melaka enggau mayuh agi endur bukai dilawa.
Siku nembiak Primari 5 ke nyereta penemuai nya, Noorul Haziyah Zulkiflee madahka diri gagit ati lebuh ulai begulai enggau bakaih sama sekula nemuai ke menua luar Sarawak.
“Aku udah suah ngelawa tauka nemuai ke menua bukai begulai enggau kami sebilik. Tang ke sekali tu lain mimit laban begulai enggau bakih sama sekula,” ku Noorul.