Ubah ba konstitusyen federal benung kiruh diperundingka perintah besai
KUCHING: Menteri ba Opis Menteri Besai ( Pekara Undang- Undang) Datuk Liew Vui Keong netapka ubah ba konstitusyen federal benung kiruh diperunding.
Iya netapka sekeda ari ubah nya mungkur pekara ke bekait enggau Sempekat Malaysia 1963( MA63).
“Aku diatu bekereja rat enggau ‘ Institutional Reform Committee’( IRC) ke udah ditumbuh tembu pengawa bepilih kena 9 Mei tu tadi.
“IRC ngemata pengawa ngadu refomasyen ba sekeda institusyen baka ke parlimen, SPRM, SPR sereta nyengkaum atur nyiri pemesai tinggi perintah,’ ku iya.
Liew mansutka jaku nya ba aum pengarang berita di Begunan Sultan Iskandar ditu, kemari.
Iya nambah, refomasyen mega mungkur atur ngubah sekeda undang- udang ti begunaka dua pertiga majoriti di parlimen.
Berindik enggau nya, aku dipinta berandau eng- gau sekeda kaban parlimen ari penyakal ngambi ulih setujuka sekeda pekara ti ulih ngemujur majoriti dua pertiga.
‘ Aku bisi mayuh sukung diatu lalu udah mega betemu enggau sekeda kaban parlimen ari penyakal ke alai sida mega kaling lama aku.
“Enti pekara ke bekait enggau MA63, sida sigi deka nyukung,’ ku Liew.
Iya madah refomasyen nya mega mungkur pekara ke bekait enggau MA63 iya nya Genteran 1( 2).
Ku iya, kitai keran nentuka sempekat tu diterit nyemaka sebedau taun 1974 ke alai Sarawak enggau Sabah nyadi kaling sama hak enggau Malaya.
Ngenang kaul ke sama, Liew madah enti Genteran 1( 2) ulih diatur, pekara bukai ke bekait deka nitih magang.
A r i n y a k u i y a , kitai( Sarawak enggau Sabah) ulih negika hak ba minyak enggau gis, royalti, kaling sama hak enggau pekara bukai.