Larry Sng meri sukung penuh ngagai Reformasyen 20 taun
MIRI: Ketuai Indu Parti Keadilan Rakyat ( PKR) Sibuti, Zulhaidah Suboh, madahka Kaban Parlimen (MP) Julau, Larry Sng meri sukung penuh ngagai Reformasyen 20 taun.
Ku iya, bala kaban PKR ba pampang Julau ngerikotka 13, 000 iku kaban lalu pemadu mayuh tubuh ba Sarawak.
“Ari penyampau tubuh nyadi kaban PKR ba Julau ngayanka Lary Sng bisi sukung tegut ari bala penyukung enggau kaban PKR ditu,” ku Zulhaidah lebuhka bekimpin pengawa bepilih besai PKR ba Julau kena Hari Minggu tu tadi.
Ku Zulhaidah, belalauka pekara bekaul enggau sedarka tanggungpengawa meri penyedar enggau ngenegapka raban indu ngagai penyulut patut dilipat enggau raban indu Sarawak.
Iya nyemetak madahka raban Indu PKR deka ngena memanah pengulih enggau penau raban indu nuju ngenegapka diri enggau ngempung penemu.
Nambahka agi penyampau tubuh penyereta enggau kaul raban indu ba dunya politik kelebih agi Sarawak, ku iya nambah.
Ku iya, Julau udah ngayanka Reformasyen 20 taun ari asil diulih parti nyadi kaban sida meri sukung nadai bebagi ngagai ketuai dipegai Anuar Ibrahim.
Sama bisi datai bekimpin iya nya bala pengari ari PKR Lawas, Miri, Sibuti, Hulu Rejang, Betong, Saratok, Sibu, Kapit, Kanowit, Petra Jaya enggau Julau.
Program deka ditampung ngagai pampang PKR bukai ba nengeri tu.
Bela datai iya nya chalun ngining penuduk Ketuai Indu PKR, Fuziah Salleh ti nyadi Menteri Ba Opis Menteri Besai enggau MP Kuantan enggau exco Selangor, YB Hajah Rodziah Ismail.