Seruran nyeliahka diri ngaul penyalah kelebih agi penyalah makai suap ngambi ulih nyadika chunto ngagai nembiak redak sida
KAPIT: Bala ketuai ti bejalaika tanggungpengawa besai meseti nerenakka pemanah ulah enggau integriti ngambika ulih nyadi chunto ke manah ngagai nembiak redak, pia ku jaku tangkan ari ketuai komuniti di kandang menua tu Temenggong Wilfred Billy Panyau.
“Lebuh bejaku pasal integriti enggau nerenakka ulah nyeliahka penyalah makai suap, bala ketuai ba semua serak bejalaika tanggungpengawa besai laban nembiak redak deka nunda ulah sida.
“Lebuh ketuai ngemeranka pemanah ulah enggau integriti ba ulah enggau runding sida. Nembiak redak deka nunda laban sida meda singkang pengawa ketuai sida,” ku Billy lebuh dipinta ngelansa pasal Program Integriti: Pemesai Begulai Enggau Komuniti Renggat 7/2018 diatur bedau lama tu tadi ba Komplek Nengeri Bletih ditu.
“Nya kebuah beguna amat kitai bisi ketuai ti manah ngembing kitai. Ambika
Lebuh bejaku pasal integriti enggau nerenakka ulah nyeliahka penyalah makai suap, bala ketuai ba semua serak bejalaika tanggungpengawa besai laban nembiak redak deka nunda ulah sida. Temenggong Wilfred Billy Panyau Ketuai Komuniti Kapit
chunto, lebuh ngentak rumah, tukang ngaga rumah deka nentuka lantai enggau tiang tegap, enti enda rumah deka enda nitihka langkar. Nya alai, aku seruran madah nyemetak pemanah disiplin enggau ulah dikena ngetanka integriti dikena ngemunaska ulah makai suap,” ku iya nambah.
Program diatur Unit Integriti enggau Ombudsman Sarawak.
Menteri ba Opis Kepala Menteri ( Integriti enggau Ombudsman), Datuk Talib Zulphilip udah bejadika program nya.
Direktor Unit Integriti enggau Ombudsman Sarawak, haji Adana Jed, ADUN Bukit Goram Jefferson Jamit Unyat, ADUN Pelagus Wilson Nyabong Ijang, Sapit Residen Bagi Menua Kapit, Galong Luang, Pemesai Pengatur Pengawa Opis Pelilih Kapit, Bidah Lujah, Pemesai Menggi Pangku Pengawa AADK Sibu, Lu Ting Pin, Assistant Commissioner SPRM Sibu, Jutim Nyagam enggau Senior Superintendent SPRM Sibu, Badli Shah, Temenggong Wilfred Billy Panyau, Pemancha Haji Wasli Nor, Pemanca Yong Thu Fook, pemancha Enggin Nyipa, Penghulu Wong Kie Ing, penghulu Sia Shui Poh, penghulu Haji Abang Hamzah Bolhassan, Penghulu Pasang Tubak, penghulu Lawrence Bandat, Pengghulu Madang Jelaini, Kapitan Yiap Yii Hoo, Kapitan Neo Kei Hoe antara bala datai ngulu program nya.