Projek ti diperambu tembu Jun 2019 deka nambahka estetika mengeri nya, narit mayuh temuai datai kelebih agi ari Sabah enggau Brunei
LAWAS: Perambu projek Tamu Lawas beungkus RM7 juta ulih nampung 300 iku pedaja pengudah projek nya tembu ditaga dalam bulan Jun taun baru.
Pemesai Pelilih Lawas, Ladin Atok, ti mega Chairman Kunsil Pelilih Lawas (LDC), madahka projek nya deka nyendiaka endur ungkup sida ti bedaja ba Lawas bejualka barang, dalam rampa ti lantang agi, ungkup bala pengusung enggau komuniti menua tu.
Projek pengelama 12 bulan nya udah berengkah digaga dalam bulan Julai taun tu.
Besepiak, renggat kedua projek Tebing Sungai Lawas deka nambahka agi penyikap perengka guna rekreasyen ba Lawas, nempa endur ti manah ungkup sida rindu ngambi gambar enggau bala pengusung.
“Tu deka ngangkatka estetika ba tebing sungai pasar Lawas, manah endur ngambi gambar kawin enggau pematak bala temuai datai ari Brunei enggau Sabah,” ku iya.
Projek RM10.2 juta berengkah digaga dalam bulan Oktober taun tu lalu ditaga tembu datai ba bulan Disember 2019.
Ladin andal amat kededua projek infrastruktur nya deka meransang ekonomi menua
Tu deka ngangkatka estetika ba tebing sungai pasar Lawas, manah endur ngambi gambar kawin enggau pematak bala temuai datai ari Brunei enggau Sabah. Ladin Atok Pemesai Pelilih Lawas
nya enggau matak mayuh agi bala pengusung ngelawa Pelilih Lawas, nempa mayuh agi aktiviti ekonomi dikena ngulihka penatai pemisi ungkup komuniti menua nya.
Sapit Kepala Menteri enggau enteri Industri enggau Pemansang Pengawa Dagang, Datuk Amar Awang Tengah Ali Hasan bejadika pengawa ngelacharka dua projek nya ba Medan Niaga Lawas ba pasar tu, kena Hari Satu tu tadi.
Sama bisi datai Kaban Parlimen (MP) Lawas, Datuk Henry Sum Agong, Kaban Kunsil Nengeri ( ADUN) Lambir Ripin Lamat, Sekretari LDC Zulkifli Sahari sereta bala ketuai komuniti.