Nya pekara ke beguna amat ngambika rayat ngembuan pengelandik tinggi sereta nyaup ngemansangka menua
KUCHING: Perintah baru Pakatan Harapan ( PH) komited ba atur ngangkatka pekara pelajar enggau latih teknikal sereta vokasional (TVET) di menua tu.
Ketuai Diretor Bagi Pelajar Politeknik enggau Kolej Komuniti, Prof Dato Ts. Dr. Mohd Ismail Abd Aziz madah TVET siti pekara ke chukup berat ba atur nempa rayat ke ngembuan pengelandik tinggi.
“Ngambika kitai semua nemu, pekara ti dikemerat opis menteri iya nya ngangkatka TVET ba runding semua rayat.
“TVET ukai s emina deka nempa rayat ke ngembuan pengelandik tinggi tang deka nyadi injin pemansang menua,’ku iya.
Iya mansutka jaku nya ba pengawa ‘Sesi Town Hall Pemerkasaan TVET Zon Sarawak’ di Institut Kemahiran Mara, Jalai Sultan Tengah ditu kemari.
Dikena ngemujur juluk nya ku Ismail, Menteri Pelajar Malaysia Dr Maszlee Malik udah numbuhka komiti TVET kena 12 Jun tu tadi ti bechairmanka Kaban Parli- men Permatang Pauh, Nurul Izzah Anwar.
Ngenang sentang sesi ‘town hall’ nya, Ismail madah randau nya nyadika pelasar endur ngulihka penerang, timbal enggau perambu ari genap serak komuniti di nengeri tu.
“Tu mih peluang endur kitai mutarka isu ke bekait enggau TVET di Malaysia ungkup pemaik bala anak kitai,’ku iya.
Pengawa nya digulu lima iku panel lalu ngangkatka CEO Perbadanan Kota Buku, Sayed Munawar Sayed Mohd Mustar selaku moderator.
Bela bisi datai Sapit ketuai Direktor Opis Menteri Penguasa Pengereja Pengawa Zaihan Shukri sereta Direktor Politeknik Kuching Sarawak, Kamaludin Daud.
Ngambika kitai semua nemu, pekara ti dikemerat opis menteri iya nya ngangkatka TVET ba runding semua rayat. Prof Dato Ts. Dr. Mohd Ismail Abd Aziz Ketuai Diretor Bagi Pelajar Politeknik enggau Kolej Komuniti