Perintah nengeri dipinta nyendiaka lis tanah endur ngaga rumah ke ulih diempu

KUCHING: Kaban Parlimen Puncak Borneo, Willie Mongin minta perintah nengeri nimbal peminta perintah besai ti minta tetiap nengeri nganjung lis tanah sida empu ti deka endur ngaga rumah ke ulih diempu.

Ku iya, kerejasama ari perintah nengeri beguna amat laban nya pulaika pemaik ngagai peranak Sarawak.

Iya pechaya mayuh peranak Sarawak deka ngembuan rumah ke ulihdiempu sida lalu nengeri meseti bejalaika tanggungpengawa nyendiaka lis tanah ungkup tuju pengawa nya.

Willie mega ngansak perintah nengeri nyengkaumka sekeda tanah di Puncak Borneo endur rumah ke ulih diempudigaga ngambika rayat ba sitak nya teulihka pemaik ari pemansang pengawa berumah perintah sereta ngembuan ke ulih disida.

“Aku pechaya bisi mayuh amat tanah nengeri ba Puncak Borneo ti ulih dikena ngemansangka rumah ke ulih di.

“Puncak Borneo diperati nyadi sitak mengeri mit lalu aku pechaya mayuh peranak menua tu udah lama nganti ngembuan rumah ke ulih disereta manah,” ku iya.

Willie mansutka jaku tu nunda pinta ari Menteri Pengawa Berumah enggau Kaunsil Kandang Menua, Zuraida Kamaruddin, ke alai perintah nengeri dipinta nganjung lis tanah sida empu ti deka endur ngaga rumah ke ulih didatai ba ujung bulan tu.

“Nadai tanah, nadai rumah ke ulih diempu,” ku jaku iya ti diambi ari national daily ba aum pengarang berita pengudah randau tebuka perintah -industry ba sentang pengawa berumah – Ngiga Pengamat Rega ba Makit Retatanah Seeking ke diatur Asian Strategy & Leadership Institute apin lama ke udah.

Nitihka ripot, Negeri Sembilan, Perak enggau Penang udah nganjung lis endur sida empu, alai perambu unit tu ulih digaga.

Pemesai tanah ti engkeman patut iya 10 ekar tauka besai agi. Naka ke diatu, ekar pemadu mit dianjung ngambika dikemansang iya nya 2.7 ekar.

Laban tanah iya nya pekara ba nengeri, strategi ungkup nengeri meri endur nyendiaka tanah lalu perintah besai mantu ngemansangka endur tu.

Kena 21 Julai, Zuraida udah ngansak perintah nengeri nyukung pengawa ngaga rumah ke ulih diempu nengah charanyendiaka palan endur ngentak tanah .

“Aku ngelempaika tanggungpengawa ngagai perintah nengeri nyendiaka palan endur kitai ngaga rumah ungkup rayat sida,” ku iya madah ba program Ruang Bicara, Bernama News Channel.

Iya madah, pengawa nya dipejalaika opis bekuasa nengeri ngambika ulih mantu ngurangka ungkus rumah ke ulih diempu.