Isu manifesto patut diperatika komiti khas Sebengkah komiti khas patut ditumbuh sereta diberi kuasa undang-undang dikena mutarka isu tu
KUCHING: Siti pengawa baru patut dipejalai dikena nentuka genap semaya manifesto ti digaga ba atur pengawa bepilih menua tu dikeamat enggau nadai sebarang dalih, ku Pengelicha Kanan Fakulti Syariah & Undang - Undang, Universiti Sains Islam Malaysia (USIM), Dr. Muzaffar Syah Mallow.
Nya alai ku iya, raban kort patut beratika baru status undang-undang ti diberi ba manifesto ti digaga sebarang kaban tauka parti politik.
Iya nerang, ari berundingka gaya pekara kemaya hari, bisi pematut atur pengawa ngemanah digaga dikena ngintu pengelantang rayat kelebih agi bala pengundi ari nyadi orang ti dikemula raban nadai tanggungpengawa maya datai ba pengawa bepilih.
“Tetiap manifesto digaga sebarang kaban tauka parti politik disimpul enggau undang-undang ngambika atur undang- undang tau dipejalai ngagai sebarang kaban tauka parti politik ti enda ngamat tauka ngelanggar semaya manifesto sida,” ku iya ba sebengkah penerang, kemari.
Kelimpah ari nya, Dr. Muzaffar mega meri langgur penemu ngagai Komiti Pengawa Bepilih Besai (SPR) ngambika chakah bejalaika pengawa mutarka isu nya.
Ku iya, SPR patut numbuhka sebuah komiti khas ti gawa merati isu manifesto
Tetiap manifesto digaga sebarang kaban tauka parti politik disimpul enggau undang-undang ngambika atur undang-undang tau dipejalai ngagai sebarang kaban tauka parti politik ti enda ngamat tauka ngelanggar semaya manifesto sida. Dr. Muzaffar Syah Mallow Pengelicha USIM
tu diberi siti kuasa undangundang.
“Ubah tau digaga nengah sebarang akta ti bisi diatu baka Akta Kesalahan Piliharaya 1954 [Akta 5] dikena mutarka pekara tu ungkup nyaga pengundi ari ditipu tauka saru penemu pasal sebarang manifesto pengawa bepilih dudi hari,” ku iya.
Dulu ari nya, Dr. Muzaffar nyemetak madah, sebarang kaban tauka parti politik ti besemaya nengah manifesto pengawa bepilih patut megai tanggungpengawa ba semua semaya ti udah digaga sida.
Ku iya, sinu amat enti sebarang semaya ti udah digaga ba manifesto pengawa bepilih enda dikeamat enggau ditangkup sebarang kaban tauka parti politik pengudah sida menang bepilih enggai megai kuasa perintah.
Pia mega ku iya, ulah baka nya terang ngayanka ulah sida nadai bebasaka bala pengundi ti udah ngelempaika pengandal enggau meri undi ngagai kaban enggau parti politik ti udah meri bemacham semaya ba manifesto pengawa bepilih sida.
Manifesto bepilih iya nya sebuah dokumen dikarang ti ngundan semaya deka dikeamat enti sema kaban tauka parti politik tin gaga manifesto nya menang bepilih.
Kesemua semaya tu suah diperati nyadi ‘semaya manis’ maya bepilih ti dikena nginti undi rayat kelebih agi pengundi.
Antara semaya ti suah ditabur bekaul enggau semaya ngurangka ungkus belanja idup rayat, meri bemacham bansa bantu rama, meri perengka guna pelajar enggau perengka pengangkut, sereta mayuh semaya bukai.