Raban sida tu ulih dikeandal jampat mantu nyelamat nyawa tauka reta lebuh bisi penusah enda disadang baka angus ba menua pesisir
SEBUYAU: Pengawa numbuh mayuh agi Raban Ngesah Tumu Penusah Ngenyit Komuniti (CERT) ba kandang menua pesisir ulih mantu nyelamat sekalika nyawa tauka reta.
Menteri Muda Jalai Tebing Pantai Sarawak ke mega Kaban Kunsil Nengeri ( ADUN) Sebuyau, Datuk Julaihi Narawi madah, ba sekeda kes tasah baka angus ambika banding beguna awak ke chukup lama nganti penatai raban Bomba ngesah palan penusah lebih agi ba kandang menua pesisir.
“Enti bisi raban CERT baka tu, nyadi pengelenyau reta nya nyangka ulih dikurang.
“Nyangka raban tu ulih mantu jampat sereta nye-
Enti bisi raban CERT baka tu, nyadi pengelenyau reta nya nyangka ulih dikurang. Datuk Julaihi Narawi Menteri Muda Jalai Tebing Pantai Sarawak
lamatka nyawa,” ku iya rambau Pengawa Nutup RETRAINING CERT ba Dewan Pemansang Sebuyau, kemari.
Urung 141 iku ketuai raban bansa enggau komuniti besemak ngulu program ke diatur Petronas nya.
Tu mega nyadi program penyedar dikena ngelatih raban volunteer ngereja pengawa mantu lengkas nyema bisi penyadi tasah enggau penusah ngenyit ke tau nyadi sebarang maya.
Berebak enggau nya, piak Petronas bisi meri perengka pengerara api enggau kutak bantu tasah ngagai raban penyereta program.
Julaihi mega madah, nengah penumbuh CERT nya mega ulih mantu ngerapatka tanggam kaul entara peranak ke besemak dalam ngereja pengawa ke udah diberi ngagai sida.
Raban CERT Sebuyau ditumbuh kena bulan November 2013.