PDRM meseti nerenak integriti sereta bedisiplin
Rayat ngandalka staf perintah kelebih agi PDRM chakah megai tanggungpengawa enggau lurus: Khaw
MIRI: Ubah dalam sosiopolitik di Malaysia taun tu udah muka awak dalam pengereja pengawa perintah nerenakka integriti sereta akauntabiliti.
Polis Diraja Malaysia (PDRM) diatu napi pengandal komuniti di menua tu nyadi siti tim ti ngembuan integriti ke tinggi lalu dipeda siti ari tim ti beratka ti nyungkak ubah tu positif agi sereta pia mega komuniti ngandalka kitai nyediaka servis ke manah agi.
Bejaku maya gempuru ninting bulan ‘12th Battalion General Operations Force (GOF)’ kemari, Komander GOF Dato’ Khaw Kok Chin udah nyemetak madahka rambai jaku ‘saya menurut perintah’ udah nyadi jaku dalam surat rasmi perintah diatu ke nganti ‘saya yang menjalanka amanah’ dikena perintah nerenakka runding ti megai tanggungpengawa besai sereta lurus dalam pengawa ba staf perintah.
“Polis Diraja Malaysia ( PDRM) diatu napi pengandal komuniti di menua tu nyadi siti tim ti ngembuan integriti ke tinggi lalu dipeda siti ari tim ti beratka ti nyungkak ubah tu positif agi sereta pia mega komuniti ngandalka kitai nyediaka servis ke manah agi.
“Dikena ngangkatmanah servis, perintah udah nyediaka ‘Independent Police and Misconduct Commission’ (IPCMC) dikena matau raban PDRM. Beserimbai enggau tu, kededua piak ti bekaul endang beguna dikena meri sukung ngagai tunga kuing PDRM dalam nentuka ubah pelin pemansang ngam- bika efisyen sereta efektif agi dalam nyapai gelar ‘World Class Policing’,” ku iya.
Khaw mega udah ngenataika jaku lalau ari Mandal Ketuai Polis Menua Tan Sri Dato Sri Noor Rashid Ibrahim maya baum enggau ketuai pemesai PDRM bedau lama ti udah ke minta sida bekerejasama enggau Komiti Nagang Pengawa Makai Suap Malaysia ( SPRM) dikena nyeliahka sangka negatif komuniti, lalu runding ti ulih begulai enggau pangan diri sereta integriti patut dikemerat semua raban penerit adat, kualiti nyadi ketuai mega meseti dikemanah ke ulih nyadi chunto ngagai semua, enda betangguh ngetanka sida ti udah ngaga penyalah ngambika nyadi lalau ngagai mensia mayuh sereta ngengkahka disiplin enggau integriti ba palan ti pemadu tinggi lebuh bejalaika pengawa.
Beserimbai enggau nya mega, entara semua ke bisi datai kemari iya nya ‘commanding officer’ GOF Battalion 12 Supt Tan Hiap Seng, DSP Uchong Sigan enggau bala ke bukai.
Dato’ Khaw Kok Chin Komander General Operations Force