Rayat kelebih agi di kandang menua pesisir anang mudah saru penemu enggau gaya politik diatu
SRI AMAN: Rayat anang mudah saru penemu enggau gaya politik ti bisi diatu, kelebih agi rayat di nengeri tu meseti nemu Gabungan Parti Sarawak (GPS) diatu ti megai Sarawak.
Nengah parti tu (GPS) ti betuaika Kepala Menteri Datuk Amar Abang Johari Tun Openg deka terus nyediaka pemansang sereta ngemeratka peminta enggau guna rayat kelebih agi ungkup peranak di kandang menua pesisir nengah langkar Projek Transformasyen Menua Pesisir (RTP), pia ku Kaban Kunsil Nengeri ( ADUN) Bukit Begunan Datuk Mong Dagang lebuh ti bejaku maya bejadi pengerami ‘Randau@Begunan’ di Rumah Wilson Bana, Po Ai ditu bedau lama.
“Semua kitai kelebih agi rayat di kandang menua pesisir patut nemu gaya politik ti ditapi kitai diatu. Anang saru penemu laban ba renggat nengeri, kitai endang dipegai Gabungan Parti Sarawak (GPS).
“Reti nya nengah parti tu
Semua kitai kelebih agi rayat di kandang menua pesisir patut nemu gaya politik ti ditapi kitai diatu. Anang saru penemu laban ba renggat nengeri, kitai endang dipegai Gabungan Parti Sarawak (GPS). Datuk Mong Dagang ADUN Bukit Begunan
ti betuaika Kepala Menteri endang agi enggau langkar pemansang di nengeri tu ti endang ngemeratka rayat kelebih agi di kandang menua pesisir,” ku iya.
Program ‘Randau@Begunan’ tu iya nya program ti dikena pengari rayat Bukit Begunan (Mong) tu begulai enggau raban ketuai renggat baruh di sitak nya bekunsi penemu enggau meri awak ngagai Mong meri penerang bekaul enggau isu ti nyadi di kandang menua ari baruh pegai iya.
Kelimpah ari nya, tu mega nyadika pelasar dikena Mong ninga serebana enggau peminta rayat seraya ngena awak nya nyungkak pemansang nengah agih belanja ti udah diagihka perintah nengeri ungkup rayat.
Maya pengerami tu Mong udah nyuaka chek sepenyampau RM7,000 ngagai Komiti Pemansang enggau Pengelikun Genturung Pendiau ( JKKK) Rumah Wilson Bana lalu RM5,000 ungkup Gerempung Indu rumah nya. Kelimpah ari nya, iya mega udah ngagihka geran RTP ungkup taun 2019 ngagai Rumah nya sepenyampau RM250,000. Mong mega ngena awak nya udah meri agih belanja sepenyampau RM5,000 nga- gai JKKK Rumah Kedeni, Batu Besai.
Bantu tu dikena rumah nya ngelangkar projek pemansang nitihka peminta sida lalu ngarapka tuai rumah sereta nembiak redak ari baruh pegai iya ngena belanja tu enggau memanah.
Sama bisi datai maya pengerami tu Whelton Lumpoi, Kunsilor Menjang, Kunsilor Atal, Kunsilor Noria, TR Selimin enggau bala ke bukai.