Abang Johari betemu enggau MP GPS ba randau ‘khas’ di Kuala Lumpur

K U C H I N G : K e p a l a Menteri, Datuk Patinggi Abang Johari Tun Openg udah betemu enggau Kaban Parlimen ari Gabungan Parti Sarawak ( GPS) ba sebengkah randau ‘ khas’ di Kuala Lumpur kena lemai Hari Empat tu tadi.

Pengawa diatur beserimbai enggau aum Parlimen, maya Beratika Baru Tengah- Penggal Langgur Pemansang Malaysia Lumpar Ke- 11 dkemari, lalu Bajet 2019 deka dipejuraika kena Nov 2.

Nitihka padah Opis Kepala Menteri, Kaban Parlimen GPS udah di beri penerang sentang sekeda pekara ti bekaul enggau Sempekat Malaysia 1963 (MA63) maya aum nya.

Sida mega disedia penerang ke patut ngambika ulih bejaku lanchar lebuh bejuraika pekara nya di parlimen maya ngetan sereta mulaika hak enggau pengelebih Sarawak nitihka Konstitusyen Perin- tah Besai enggau Ripot sereta Sadang ari Komiti Entara Perintah.

Hakim Besai Nengeri Datuk Talat Mahmood Abdul Rashid enggau Direktor Bajet ba Opis Pekara Wang Nengeri Datu Junaidi Reduan meri licha sentang pekara nya.

Aum parlimen ke sekali tu beratika bajet menua disediaka perintah Pakatan Harapan (PH) pengudah ke menang ba PRU14 kena 9 Mei tu tadi.

Bajet nya deka di pejuraika Menteri Wang Menuam Lim Guan Eng will kena 2 November.

Pengawa Beratika Baru Tengah- Penggal RMK-11, disempulang enggau Pekara ti dikemeratka baru enggau juluk deka ngemaruka polisi enggau ngubah tagit sosioekonomi 2018- 2020, udah dipejuraika Menteri Besai Tun Dr Mahathir Mohamad kena Hari Empat tu t adi.