The Borneo Post champion media chelak enggau berita portal AMP CIDB 2018
MIRI: Pengawa ngenegapka semangat talukka Sarawak ngagai raban nembiak mesti diterenak laban tu nyadi tiang penyerakup, pemereti ati enggau pengelantang pupu bansa ba nengeri tu.
Menteri Muda Dagang Temuai, Seni enggau Main Asal, Datuk Lee Kim Shin madahka pengelain bansa enggau pengarap sereta budaya ti bebida, diau ba nengeri tu nyadi siti penyelai chukup berega ngagai Sarawak, nya kebuah iya patut dijaga nentuka nengeri tu seruran ngasaika pengelikun enggau pengelantang.
“Mayuh orang datai ngagai Sarawak lalu madahka diri alit ati pengudah meda penyelai komuniti pupu bansa ti ulih idup bebaik enggau lantang nadai ngira bansa enggau pengarap.
“Ari nya, semengat Sarawak tu patut diterenak ngagai raban nembiak kitai kemaya hari ngambika sida temegah ati lalu ngetanka penyelai enggau pengelebih tu, nanka penyerakup bansa ke bisi,” ku iya.
Lee mansutka jaku nya lebuh bejaku bejadika program ‘Senior Got Talent’ ti diatur Opis Ngintu Pengelantang Raban Bansa (JKM) Bagi Menua Miri enggau Palan Aktiviti Orang Tuai (PAWE) Miri, kemari.
Kenu ku Lee, orang tuai enggau apai indai mesti seruran nusui jerita penyerakup bansa ti dikemisi rayat nengeri tu ngagai bala anak enggau rebak biak Sarawak laban sida tu ukai semina ulih diau likun berandau sebelah pak kupi, tang mega diau besemak enggau ke bukai.
“Penyelai semengat penempa diri Sarawak tu nyadi chara kitai idup lalu diterenak ngagai bala anak sereta nadai sebarang bansa ti patut dikelaung,” ku iya nambah.
Iya madahka orang tuai ti bisi peneleba enggau mayuh penemu ba Sarawak sereta nemu ensera mesti madahka bala anak sida kelebih agi pasal pengelikun enggau pengelantang raban bansa ti idup begulai ba nengeri tu, kenyau ari bepuluh taun ke udah.
Lee ti mega Kaban Kunsil Nengeri (ADUN) Senadin madah enti kandang ngelingi enda likun, taja kitai kaya enggau bepengerai, nadai reti mega laban menua deka seruran sigau nadai pengelikun.
“Nya alai kitai ngarapka sida ke tuai kemaya hari ulih madah ngagai rebak biak pasal kenang sida, baka ni sida tau idup lantang enggau likun begulai ba nengeri tu, ti nyadi kunchi ngagai semengat Sarawak,” ku iya.
Iya ngansak bala komuniti ditu enda mendingka jaku orang ti datai ari luar Sarawak, ti ngemai agenda politik enggau propaganda bansa sida kena malut runding rayat nengeri tu.
Dulu ari nya, ba jaku dipansutka iya, Lee beambika chunto penyerakup ti manah amat, iya nya PAWE Miri, ke alai semua kaban sida datai ari pupu bansa enggau pengarap, tang sida ulih makai, duduk enggau ngatur aktiviti enggau program pengerai begulai.
Ku iya, aktiviti bepengerai baka zumba, tanda, bejalai enggau mayuh ke bukai diatur begulai JKM Miri enggau PAWE Miri, nunjukka orang tuai idup meruan enggau semengat sereta penempa diri Sarawak.
“Aku meda mayuh orang tuai ti bepenau ba bemacham atur pengawa enggau aktiviti, nunjukka penau enda deka lenyau taja sida udah tuai, tang seruran matih diri enggau ngemeranka chara idup bepengerai,” ku iya.
Berebak enggau nya, Lee, Adam enggau Wilson nyempulang orang tuai bukai ba program bejalai kaki ari palan sida ba Krokop ngelawa Krokop Lorong 9 sebedau mulaika diri baru ngagai palan nya. KUCHING: The Borneo Post menang perais champion kategori media chelak enggau berita portal ba Anugerah Media Pembinaan ( AMP) CIDB 2018 ke diatur ba sebuah hotel ditu, malam ensanus.
Nungkatka batang jurai ‘China’s Belt & Road: What’s in it for Malaysia?’, Rachel Lau Ker Qing ari The Borneo Post nerima perais mata duit RM5,000, setipikit enggau tropi.
Penuduk lumur dua enggau tiga kategori nya pulai ngagai Mohd Latif Ahmad enggau Mohd Amirul Faiz Ahmad ari Berita Harian.
Anugerah diatur beserimbai enggau Makai Malam Meri Basa Media ke digulu lebih 100 iku pemberita enggau tukang gambar di serata Sarawak.
Anugerah media dibagi ngagai tiga kategori iya nya media chelak enggau berita portal, kategori televisyen enggau video online sereta kategori photographi.
Serak tu, gelar kategori media bejuraika pekara ke bekait enggau pemansang di Sarawak baka ke Jalai Besai Pan Borneo, Palan Tekat Ai enggau Palan Pemansut Kuasa.
“Media megai tanggungpengawa berat ba atur nyandung pengawa ke digaga perintah ngagai mensia mayuh alai opis menteri seruran deka mendingka timbal mensia mayuh nengah media,” ku Menteri Kereja Raya (KKR) Baru Bian rambau bejadi pengerami.
Iya ngelalau raban mendia majakka pengawa nulis berita sentang pengawa tauka projek pemansang perengkaguna ke benung diadu.
Ba kategori televisyen enggau video online, RTM Sibu bulih gelar champian alai penuduk lumur dua enggau tiga pulai ngagai TV3.
The Star enggau Bernama bulih penuduk lumur satu enggau dua ba kategori photographi.
Pengerami malam nya bela digulu Sapit Menteri Kereja Raya Mohd Anuar Mohd Tahir enggau Ketuai Sekretari KKR Dato Sri Zohari Akob.