Pengajar meseti meransang nembiak berunding kreatif enggau inovatif
SIBU: Gerempung Pemansang Komuniti Julau (JDCA) minta bala pemesai parti politik ari Sarawak besaup enggau pangan diri bejadika 10 pekara ti patut dikemeratka baik nya pengari ari Gabungan Parti Sarawak (GPS) tauka Pakatan Harapan (PH) nyema agi ngandalka sukung rayat tauka pengundi ditu.
Chairman JDCA, ExKaunsilor Christopher Ijau Mudai madah, enda ngira ari ni parti, bala pengari parti ukai semina beterabaika manifesto tauka ngiga nama maya pengawa bepilih aja tang mesti mutarka peminta enggau penanggul rayat.
“Keterubah, iya ke dianti kitai iya nya nyukat Tanah Adat Bumiputera ( NCR) lalu diberi geran nengah Seksyen 18 abis nadai sepintu bilik siti geran tanah sebedau taun 2022.
“Pia mega, kitai minta tiap rumah panjai enggau genturung menua di Sarawak disikap enggau jalai alun baik nya jalai belangkin tauka batu manggai taun 2021.
“Nambahka nya, sebedau taun 2021 tembu kitai mega ngarapka semua rumah panjai enggau genturung pendiau silik disambung karan 24 jam enggau bekal ai beresi,” pia ku iya nengah penerang media.
Ijau ti kala nyadi siku ari kaunsilor ba Opis Meradong enggau Julau maya tu madah, ‘ kouta’ bansa Dayak ke diambi gawa perintah tauka niki pangkat meset enda dichiping.
“Gerempung kami bela minta pengari dua iti parti tu besaup ngambi nama hak Sarawak nitihka Sempekat Malaysia (MA63).
“Nambahka nya, kerejasama antara sida mega besai reti dikena minta 20 peratus royalti mintak ari petronas, enti enda, perintah nengeri tau ngaga tender tebuka ngagai kompeni minyak besai ke bukai amat mih ulih meri 20 peratus royalti ngagai kitai,” ku iya madah baru.
Ba pekara betanam betupi, Ijau minta pengari politik anang laun mutarka penanggul ke ditapi orang betanam lada enggau sawit ke diatu benung nadai rega.
Kelimpah ari nya, dikena nentuka bala raban politik nengeri tu enggau raban pengereja pengawa perintah nengeri tauka besai likun ari penyalah makai suap, sida patut madahka penyampau reta ke dikembuan sida.
“Tu mega tau dikena sida ningkah jaku sebubu ngapa mensia mayuh ti suah didinga raban tu makai suap.
“Ari nya, Opis Nagang Penyalah Makai Suap Ma- laysia ( SPRM) patut bejalaika pansik ba sida ti bisi ditemu ngembuan reta enggau pengaya ti lebih ari patut tauka enda tetipakka gaji,” pia ku iya.
Kepenudi, Ijau madahka SPRM patut matau tender enggau ‘ sebutharga’ ba tiap bengkah ejensi perintah besai enggau nengeri dikena nyeliah pengawa salah ngena duit rayat sereta ‘ Projek Rundingan Terus (Turnkey Project) meseti dipunaska. MARUDI: Menteri Muda Kaunsil Kandang Menua, Datu Dr Penguang Manggil madahka pangku pengawa pelajar udah mayuh berubah ari kereja asal.
Nya kebuah ku iya, bala nembiak ukai semina datai belajar aja, tang mega ngemeranka pelajar ungkup menua ngambika nyadi modal mensia ngembuan penemu ti menyana.
Ba pekara tu, seriris enggau siti ari Pekara Pemujur Besai Menua (NKRA), ngerembaika sambung pelajar ngagai Kualiti enggau Deka. Kitai mesti sedia napi pekara baru enggau nerima ubah ba Sistem Pelajar nengah inovasyen, nengah strategi seruran dipejalai.
“Kitai ulih madah, pemujur enda datai muntang laban begunaka mayuh pengawa patut dikereja bala nembiak laban penemu nengkebang ukai semina pulaika pemaik, tang mega beguna amat dikena kitai nyikap rebak nembiak napi penatai Abad Ke-21.
“Kitai pechaya kaul apai indai ba pelajar bala anak ba sekula meruan,” ku Penguang lebuh bejaku ba Pengawa Nyuaka Anugerah Penyulut Sekula Sekondari ( SMK) Marudi ba balai mayuh guna sekula ditu, pagi kemari.
Nya alai, ari ubah enggau pemar kemaya hari, pengawa penyerakup enggau pengeran gawa patut amat dikemeran pupu bansa ngambi nempa penyulut bala anak.
“Nyadi apai indai, kitai patut belematika pengawa diri empu, anang ngelempaika tanggungpengawa ngagai bala pengajar aja. Kitai patut nentuka pengawa dipun ba sekula deka ditampung bala anak ba rumah, pemulai sida ari sekula.
“Asil kreativiti enggau inovasyen ba atur pengawa belajar meruan dikemeran. Beri pelajar menyana, bala
Keterubah, iya ke dianti kitai iya nya nyukat Tanah Adat Bumiputera (NCR) lalu diberi geran nengah Seksyen 18 abis nadai sepintu bilik siti geran tanah sebedau taun 2022. Ex-Kaunsilor Christopher Ijau Mudai Chairman JDCA
pengajar patut meransang bala nembiak berunding chara kreatif enggau inovatif nyengkaum bala nembiak ba sekula menua pesisir.
“Reti iya, bala pengajar mesti ngembuan penemu dalam ba pelajar dikena meransang runding belajar,” ku Penguang ngelalau.
Penguang ti mega Kaban Kunsil Nengeri ( ADUN) Marudi, meri terima kasih enggau jaku puji ba pemanah enggau pemujur udah dijapai bala nembiak SMK Marudi ti mujur bulih lumur dua ba Forum Ramaja enggau menggi gelar Champion Pekit Debat Mangkuk Kepala Menteri sereta mayuh agi pekit ke bukai ti disereta sekula bulih gelar champion.
Berebak enggau nya, Penguang bisi nyuaka chek RM30,000 ngagai Serakup Apai Indai enggau Pengajar (PIBG) SMK Marudi sereta besemaya deka ngagihka RM100,000 dikena ngaga lupak pejalai ba sekula nengah projek Program Trans- formasyen Menua Pesisir (RTP) iya.
Anugerah Nembiak Lelaki Pemadu Nyulut dipenggi Stanley Molly Jimbai ari Pom Enam Atas lalu Anugerah Nembiak Indu Pemadu Nyulut pulai ngagai Ivy Tie Mei Wen mega ari Pom Enam atas.
Seraya Anugerah Ketuai Pemadu Nyulut diberi ngagai Sareena Cynthia Gerawat enggau Anugerah Nembiak Penan Pemadu Nyulut dipenggi Diana Dimong, lalu Randal David nerima Anugerah Ko-Kurikulum 2018.
Bisi enam iku nembiak diberi Anugerah Yayasan Sarawak iya nya Benny Tie Hou San, Flora Chang Hen Ying, Kiing Yii Xing, Lisa Lim Shi Min, Moh Ling Zheng, enggau Tie Mei Sin, Veronica Sapok Kalang enggau Albert Unyuk Leggan.
Sama bisi datai SAO Venessa Joseph, Kaunsilor Edward Mendai, Prinsipal Maria Jau, Rokimen Emah ngarika Pemesai Pelajar.