Empat buah organisasyen di Kapit nerima geran ari Chong
KAPIT: Sapit Menteri ba Opis Menteri Dagang, Koperasi enggau Pekara Bebeli Barang, Chong Chieng Jen udah ngungkupka RM7,500 ngagai empat buah organisasyen di Kapit ditu.
Pengawa nyuaka chek udah diatur ba Palan Servis DAP di Pasar Kapit kena pagi kemari ti dipenyadika chairman DAP Pasar Kapit Teng Mee Hieng enggau Protem Chairman DAP Bukit Goram Larry Asap, disempulang enggau bala penyukung DAP. Taja pia, Chong empu enda ulih datai maya nya.
Empat buah organisasyen ke nerima chek iya nya JKKK Lubok Lampah, Sungai Kapit (RM1,500), Pampang Ser- akup Indu Foochow Kapit (RM1,000), Serakup Zhang Clan Kapit (RM2,000) enggau Serakup Buddhist Kapit (RM3,000).
Kenyau ari Chong Chieng Jen dichiri nya Sapit Menteri, empat buah gerempung nya mih keterubah ari Kapit nerima geran ari perintah dikena bejalaika aktiviti rama.
Pengawa nyiri bala ketuai komuniti enggau ketuai genturung pendiau ba nengeri ari baruh bidang kuasa Perintah Sarawak. Datuk Lee Kim Shin Menteri Muda Dagang Temuai, Seni enggau Main Asal
Menteri Muda Dagang Temuai, Seni enggau Main Asal, Datuk Lee Kim Shin madahka perintah nengeri bisi hak bejalaika pengawa baka nya laban pengawa nyiri bala ketuai komuniti enggau ketuai genturung pendiau di baruh bidang kuasa nengeri.
“Pengawa nyiri bala ketuai komuniti enggau ketuai genturung pendiau ba nengeri ari baruh bidang kuasa Perintah Sarawak.
“Ari baruh atur perintah besai sebedau tu, bisi sistem ke alai elawin ketuai genturung pendiau datai ari perintah besai ke sebedau tu,” ku iya madah lebuh bejadika Pengerami Makai Lemai Kaunsil Ketuai Komuniti Melayu Miri (MAKMUM) ba Hotel Mega, kena Hari Minggu nyin tadi.
Lee ti mega Kaban Kunsil Nengeri Senadin mansutka jaku tu nimbal penerang berita digaga Sapit Menteri Dagang Dalam Menua enggau Orang Bebelika Barang, Chong Chieng Jen ti ngumbai gerah perintah nengeri nya enda nitihka konstitusyen sereta tau dibai ngagai kort.
Ku iya, pengudah perintah besai baru nginsil Komiti Pe- mansang enggau Pengelikun Genturung Pendiau Perintah Besai ( JKKKP), perintah nengeri mutuska deka nangung ungkus elawin ngagai semua ketuai genturung pendiau ba nengeri tu.
“Bala ketuai komuniti udah dilempaika tanggungpengawa nampung randau meruan agi antara rayat enggau perintah ari perintah nengeri.
“Pekara tu nyata amat, nya kebuah bala bukai anang betalatka pekara tu.
Berebak enggau nya, iya ngansak bala ketuai komuniti nampung pengawa sida fokus bejalaika pengawa sida mai peminta rayat ba renggat komuniti sida empu.
Ku iya, semua komitmen gawa ari bala ketuai komuniti endang patut dikena nentuka penanggul ditapi rayat ba renggat baruh ulih didinga enggau diperatika perintah.
Iya mega meri perambu ngarapka MAKMUM ulih bekereja enggau bala ketuai komuniti bukai ba pengawa ngatur pengerami makai lemai ungkup bala ketuai komuniti ari semua bansa.
Sama bisi datai ex-Kaban Parlimen Sibuti, Datuk Ahmad Lai Bujang enggau Ketuai Komuniti Melayu Miri Temenggong Abdul Rahman Fadzail.