‘Kus Program Pemansang Modal Mensia’ udah diatur di Skim Gempuru Ng Tada

BINTANGOR: Lima buah palan volunteer komuniti di baruh Opis Pengintu Pengelantang Bagi Menua Sarikei begulai ngatur program servis komuniti ba Rumah Senin, Sungai Gemuan, semak ditu apin lama ke udah.

Batang tuju program nya deka matak perati bala kaban palan volunteer ngintu pengelantang rayat nyadi tanggungpengawa semua raban, nyendiaka pelasar ngagai raban volunteer bejalaika pangku pengawa sida mantu raban begunaka banti, nempa raban komuniti ti bisi penyiru sereta ngerapitka tanggam kaul antara orang tuai enggau rebak nembiak.

Urung 300 iku peranak datai ari kandang ngelingi datai nedat Rumah Senin ngulu program nya.

Bela ngaul diri ngatur program iya nya bala kaban komiti Palan Orang Tuai Sarikei (PPWE), Palan Pengerai Dalam Komuniti Sarikei (PDK), PPWE Bintangor, PDK Bintangor enggau Gempung Volunteer Ngintu Pengelantang Bagi Menua Sarikei.

Antara aktiviti udah dirintai baka licha pasal insuran penusah angus dikenatai pengari ari kompeni Allianz General Insurance, Tips Pengelikun Pemun dikenatai pengari ari Opis Nyaga Pengelikun Mensia Mayuh enggau sesais aerobik.

Kaban Kunsil Nengeri (ADUN) Meradong, Datuk Ding Kuong Hiing udah dikangau bejadika pengawa nutup program.

Antara bala datai pengari ari Pemangku Direktor Opis Pengintu Pengelantang Nengeri Irine Andrew Ganggang enggau Tuai Rumah Senin Ambu. SIBU: Opis Betanam Betupi Sarawak enggau Seksyen Asas Tani dan Ekonomi Keluarga udah ngatur Kus Program Pemansang Modal Mensia ari baruh Program Khas Bumiputera (PKB) ba Skim Gempuru Nanga Tada, Kanowit, empai lama tu tadi.

Kus lima hari nya berengkah 15 nyentuk 19 Oktober tu tadi udah digulu 30 iku penyereta indu ba genturung nya.

Tuju kus tu diatur iya nya deka bekunsika penemu nyendiaka barang pemakai ti ulih mai penatai pemisi ngagai bala penyereta.

Kelimpah ari nya, pengelandik ari kus tu mega tau dikena nyendiaka pemakai ke manah ngagai ruang bilik.

Pengawa nutup kus dipen- yadi Penolong Pegawai Pertanian Daerah Kanowit Rahim Nyaie.

Bala penyereta mega bisi diberi setipikit.

Sama bela datai maya tu iya nya Ketuai Biro Indu Komiti Pengelikun enggau Pemansang Genturung Pendiau (JKKK) Skim Gempuru Nanga Tada Kaunsilor Bunut Kibu.

UNGKUP KENANG : Peranak menua ti nyereta program begambar enggau Ding (duduk, dua kanan, baris mua), Irine (duduk kanan) enggau bala kaban komiti pengatur.

NAMBAH PENEMU: Bala penyereta betuaika Bunut (duduk, tengah) sepenembu Kursus Program Pembangunan Modal Insan Dibawah Program Khas Bumiputera (PKB), empai lama.