GPL ungkup Nengeri S’wak dipenyadi nyerumba Sarawak AgroFest 2018

KUCHING: Menteri Kereja Raya, Baru Bian suntuk isu ngambika dipeda nyadi ‘bujang berani’ dikena nginti sukung ba pengawa bepilih parti Parti Keadilan Rakyat (PKR).

“Baru mansutka jaku pasal gaji ketuai komuniti pengudah iya nadai agi pekara manah disebut, iya kelalu kusut runding diatu,” ku Kaban Kunsil Besai Pesaka Bumiputera Bersatu (PBB) Pandi Suhaili.

Pandi ngenang pasal penerang dipansutka Baru Bian, semina tuai rumah tauka ketuai komuniti dipilih chara demokratik aja deka nerima bagi 70 peratus gaji ari perintah Pakatan Harapan (PH).

Ba penerang kemari, Baru Bian madahka perintah besai udah ngagihka belanja dikena mayar elawin enggau gaji semua ketuai komuniti serata Malaysia nengah Opis Menteri Pemansang Menua Pesisir.

Nyadi pengari dipilih, Pandi pechaya Baru Bian endang nemu Prosedur Operasyen ke Standard (SOP) ba pengawa nyiri bala ketuai komuniti ba Sarawak.

“Bala ketuai komuniti enggau tuai rumah endang nadai kala dichiri bala pengari rayat tang ari Opis Sekretari Nengeri,” ku Pandi, seraya nambah, pengari rayat semina dipadah sentang pengawa nyiri nya aja.

Nya alai Pandi pechaya penerang Baru Bian semina publisiti murah dikena ngalihka perati rayat Sarawak aja ari penanggul ke nyadi dalam kandang pengawa bepilih PKR ti mayuh diripot ba media chelak, elektronik enggau online serata menua.

Ku iya, Baru diatu kusut runding engka tau alah ti mai pemalu ba bepilih parti ke alai penuduk chairman PKR Sarawak deka dikerebut tim baru ti betuaika siku exmenteri muda Sarawak, Larry Sng, ke diatu dipeda semak agi kaul enggau presiden dipilih.

“Baru enggau tim iya patut mandangka sida tim ti efektif enggau sukung tegap, tang ukai pia jerita iya. Baru semina beambi ulih ari penyarut dalam Parti Rakyat Sarawak (PRS) dikena mandangka iya dipilih ba Selangau, naka ulih nguji dipeda nyadi ‘bujang berani’,” ku Pandi nambah.

Pandi pechayaka Baru irau amat pegari nama iya majak lenyau lalu semua penyukung iya mega napi risiko ditingkil ari pegai ketuai PKR Sarawak, ti nyukung Menteri Pekara Ekonomi Datuk Seri Azmin Ali lebuh semua dunya nemu presiden dipilih, Datuk Seri Anwar Ibrahim enggau sida sebilik sekaki enggau orang ti ngerebut, ex-Sekretari Besai PKR, Rafizi Ramli.

“Semua orang ti bisi akses ngagai media nemu Sarawak deka nyadi ‘kingmaker’ ba Pengawa Bepilih PKR 2018 kena 10 November. Baru kelalu minta perati enggau deka dipeda nyadi ketuai ti pegari,” ku iya.

Baru, ku iya nambah, udah lenyau ‘Wild Card ‘ pengudah isu Pemakai Menua enggau Pulau Galau diputar Gabungan Parti Sarawak (GPS) ba aum Kunsil Nengeri (DUN) sebedau tu.

“Aku ngarapka Baru Bian enggau tim iya teulihka pemujur ba pengawa bepilih PKR 2018. Dikearap PKR enda dikinsil ba rejista ari semua undang-undang ti dibantai ba media, ari ukai orang bukai kelimpah ari bala ketuai tetinggi parti sida empu, ti meda pengawa bepilih nyauka tetiap minggu lenyau penuduk,” ku iya. KUCHING: Kepala Menteri, Datuk Patinggi Abang Johari Tun Openg mujur bejadika Pengawa Neritka Atur Meri Gred, Mungkus enggau Meri Label ( GPL) di Nengeri Sarawak nyerumba Sarawak AgroFest 2018, kemari.

Bepelasarka penerang berita dikeluarka Opis Dagang Betanam Betupi Perintah Besai (FAMA) Opis FAMA Nengeri Sarawak kemari, Atur GPL nya program ngangkatka kualiti asil betanam betupi nengah chara meri gred, mungkus enggau meri label.

Tuju GPL dikena nentuka asil nya bisi kualiti enggau selamat diempa, bisi gred ke manah, bungkus ti likun engau label ti manah awakka bisi kualiti sereta likun ba makit dunya sereta Malaysia.

Nya alai, industri betanam betupi meseti nitihka Atur GPL ke nyadi tanggung pengawa begulai.

Di Semenanjung Malaysia, atur nya berengkah dipejalai sereta diteritka berengkah 1 Julai 2011 lalu dipejalaika enggau penuh sereta terit kena 1 Julai 2013, lalu di Sabah berengkah dipejalaika kena 30 Oktober 2017.

Diatu di Sarawak, Atur GPL dipenyadi kena 25 Oktober 2018.

Pengawa nguna enggau nitihka GPL ba Sarawak udah dikemeranka palan bebeli barang baka Giant, Mydin, Aeon, Emart enggau Boulevard.

Polisi meri penyedar pasal pemesai guna GPL berengkah dipejalaika kenyau ari taun 2011 nengah licha, kus enggau seminar ba mengeri besai Sarawak, nemuai ngagai pintu penama garis entara menua enggau ngabas premis pengimport enggau pengeksport.

Pengudah dipenyadika, pengawa ngemeranka GPL deka diteritka ngagai p e n g i m p o r t e n g g a u pengekspor. Udah nya dikerembaika ngagai perunchit, pemurung enggau pengelaur tauka orang betanam betupi ngena chara bererenggat.

Juluk nitihka atur, GPL diteritka penuh ngagai raban ke ditagit ba taun 2025.

Dikearapka enggau pengawa ngemeranka Atur GPL di Malaysia agi di Sarawak, ulih ngangkatka rega sereta semekih ba asil betanam betupi menua enggau pengarap ngambika pemakai ke dipansutka menua likun diempa.

Nyempulang Abang Johari bejadika Atur GPL, Sapit Kepala Menteri ti mega Menteri Betanam Betupi, Tanah Adat enggau Pemansang Kandang Menua, Datuk Amar Douglas Uggah Embas, Menteri Muda Betanam Betupi Dr Abdul Rahman Ismail enggau Menteri Muda ba Opis Kepala Menteri ( Pekara Korporat) Abdullah Saidol enggau ke bukai.