Najib, Irwan ngaku enda salah bekaul tuduh salah guna wang
KUALA LUMPUR: ExMenteri Besai Datuk Seri Najib Tun Razak enggau ex-Ketuai Sekretari Perbendaharaan Tan Sri Mohd Irwan Serigar Abdullah ngaku enda salah ba Kort Sesyen kemari bekaul enam tuduh salah guna wang ke mungkur duit perintah Malaysia penyampau RM6,636,065,000.
Najib, 65 enggau Mohd Irwan Serigar, 61, ngenuku jaku nya pengudah tuduh dibacha ba mua Akim Kort Sesyen Azman Ahmad.
Ungkup tuduh keterubah, Najib enggau Mohd Irwan Serigar didawa bela staf opis perintah iya nya Menteri Wang enggau Ketuai Sekretari Perbendaharaan, Opis Menteri Wang Malaysia bela ngembuan penyampau nya udah diasuh ngemata reta RM1.2 billion penggi perintah Malaysia lalu salah guna wang ari duit nya.
Ba tuduh kedua, Najib enggau Mohd Irwan Serigar didawa bela nengah penuduk ke sebaka udah diasuh ngemata reta RM655 juta penggi Perintah Malaysia. Perintah Malaysia, udah salah guna wang enggau chara enda betul ba reta nya.
Ungkup tuduh ketiga seduai iya didawa nengah penuduk ke sebaka ngereja penyalah salah guna wang penyampau RM220 juta, agih belanja dibaruh “Belanja Mengurus di bawah Maksud B11 Servis Am Perbendaharaan, Aktiviti 021700 KL International Airport Berhad (KLIAB)”, penggi Perimyah Malaysia.
Kedua-dua tertuduh juga didakwa bersama-sama atas jawatan sama telah melakukan pecah amanah sejumlah RM1.3 bilion, peruntukan di bawah “Maksud B11 Perkhidmatan Am Perbendaharaan, Aktiviti 020500 Subsidi Dan Bantuan Tunai”, milik Kerajaan Malaysia.
Ungkup tuduh kelima enggau keenam, sida didawa bela nengah penuduk tanggungpengawa ke sebaka ngereja penyalah salah guna wang penyampau CNY1,950,000,000 (bepenyampau RM1,261,065,000) enggau RM2 bilion dipenggi Perintah Malaysia.
Najib enggau Mohd Irwan Serigar dituduh ngereja semua penyalah nya ba Kompleks Opis Menteri Wang Malaysia,Wilayah Persekutu- an Putrajaya kena 21 Dis 2016 ungkup tuduh keterubah enggau kedua kena 3 Ogos 2017 tuduh ketiga, enggau tuduh keempat nyentuk keenam kena 10 Ogos 2017, 23 Ogos 2017 enggau 18 Dis 2017 .
Seduai iya didawa nitihka seksyen 409 Kanun Keseksaan dibaca begulai enggau seksyen 34 Kanun ke sama ti ngungkup ukum jil enda ngelui 20 taun enggau lunsin enggau tunggu, nyema dikenuku salah. ExAkim Kort Federal Datuk Seri Gopal Sri Ram dipadu nyadi Sapit Pendawa Raya Kanan ngiring raban pendawa ke bukai lalu Najib diarika luyar Tan Sri Muhammad Shafee Abdullah enggau Datuk K. Kumaraendran sereta Datuk Geethan Ram Vincent ngarika Mohd Irwan Serigar. — Bernama