Perintah enda nagang rayat pupu bansa numbuhka gerempung lalu ngarapka nya dikena bekerejasama enggau pangan diri

SRI AMAN: Penyiru perintah meri awak ngagai rayat numbuhka sebarang gerempung kediri kebendar ulih ngenegapka penyerakup entara raban bansa di nengeri tu.

Menteri Muda Pengelantang Komuniti Sarawak Datuk Francis Harden Hollis madah, pekara pemun pemansang sebuah nengeri iya nya penyerakup raban bansa, politik ti manah sereta rayat ari pupu bansa ti ulih begulai sereta bekerejasama enggau pangan diri.

“Pengelantang sereta politik ti manah ngemuntangka perintah ngelangkar mayuh projek pemansang ungkup rayat di nengeri tu,” ku iya bejaku lebuh ti bejadi Program Randau enggau Ketuai Begulai enggau Ketuai Komuniti Iban Pelilih Sri Aman ke diatur Gerempung Ketuai Komuniti Bansa Iban Pelilih Sri Aman ti bepalan si sebuah restoren ditu, kemari.

Ku Harden nambah, nya alai semua gerempung tauka gempung di nengeri tu patut bejalaika pengawa ti berat ngenegapka agi penyerakup rayat pupu bansa dikena nempa pengelantang enggau nentuka rayat ulih begulai enggau pangan diri di menua tu laban tu endang tanggungpengawasemua. “Aku ngarap semua gerempung di nengeri tu enda ngira gerempung nya ari bansa Iban, Melayu tauka China, meseti begulai rat dalam pengawa negika penyerakup enggau pengelantang rayat pupu bansa di nengeri tu,” ku iya.

Ku iya nambah, perintah lebuh ti bejalaika pemansang mega endang begunaka sukung ari bnala ketuai komu- niti ngambika projek nya nadai napi penanggul ungkup pemansang pelajar, sosioekonomi, main asal, lumba engau main sereta mayuh agi.

“Sedarka pematut tu, perintah udah ngemendarka kita numbuh mayuh macham gerempung dikena mantu perintah ngemujurka nya,” ku iya nandu.

Sama bisi datai maya program randau nya Pemesai Pelilih Sri Aman Ismawie Salleh, Pemesai Pengatur Sarawak di Opis Residen Bagi Menua Sri Aman Thomas Kendawang, Chairman Gerempung Temenggong Samuel Lawen, Pemancha Micheal John Sanggop sereta ketuai komuniti ke bukai.

Program Randau nya udah digulu 104 iku bala tuai rumah ari kabndang menua Kunsil Nengeri (DUN) Simanggang.

BEBENDAR NGEMANSANGKA SARAWAK: Julaihi (tengah) enggau ADUN Telang Usan, Dennis Ngau (kanan Julaihi) begulai enggau raban ke bukai begambar ungkup kenang lebuh ti ngabas tikas pejalai projek ngaga jematan Long Lama.

NGETANKA PENYERAKUP PUPU BANSA: Harden (duduk lima kanan), Ismawie (duduk lapan kiba), Samuel (duduk tujuh kiba), Thomas (duduk empat kanan) begambar ungkup kenang enggau sekeda ari tuai rumah ke bisi datai maya program randau nya, kemari.