Perintah besai,nengeri dipeda baka berebutka bala ketuai bansa enggau ketuai komuniti

KUCHING: Perintah nengeri ari baruh Gabungan Parti Sarawak ( GPS) enggau perintah besai dibaruh Pakatan Harapan( PH) lalu enda teulihka buah runding sereta penemu bekaul enggau bayar elawin ketuai bansa enggau ketuai komuniti.

Presiden Parti Bansa Dayak Sarawak Baru (PBDSB) Cobbold John ngasaika kededua perintah nya dipeda baka ke berebutka bala ketuai tu.

“Berengkah ari bulan Mei tu tadi, perintah GPS madahka diri nampung bayar elawin ketuai bansa ninting bulan nyentuk ngagai sehari tu.

“Ba jaku penerang ari Sapit Kepala Menteri Datuk Amar Douglas Uggah, perintah besai enda mayar elawin sida tu. “Uggah mega madahka Pengulu enggau Temenggong ti dipadu ari kaul politik,’ku Cobbold nengah surat penerang berita.

Perintah Besai ku Cobbold, madah bisi nimbal berita tu iya nya ari Menteri Kereja Raya ke mega MP Selangau Baru Bian madahka 70 peratus elawin ketuai bansa deka dibayar perintah besai lalu laluh 30 peratus dibayar perintah nengeri.

Baru ku Cobbold, madah bisi mansutka jaku tangkan ke alai bala tuai rumah ke dichiri nengah kuasa politik deka diketu ka ari nerima elawin.

Berindik enggau nya PBDSB ngenataika tanya, sekalika kededua perintah nya berebutka raban tuai rumah..?

PBDSB mega deka nemu sekalika tuai rumah dichiri peranak rumah panjai?

“Ku GPS, PH ngepunka duruk dulu. Nama kaul duruk ngetuka elawin enggau ulah nagang ketuai bansa ngulu program PH?

“Kedua- dua perintah beambi ulih ba institusi Adat? Ketuai Adat patut berunding pemesai kuasa ba sida nyentuk ke diperebut kededua bengkah perintah?

“PBDS minta elawin Ketuai bansa ditiki lalu enti sida dipasuk ba pengereja pengawa perintah Sarawak, sekali sida tau bepolitik..? Nerima gaji, Socso enggau pinchin.?,’ku Cobbold.