Unit Nembiak Gerempung BSMM SMK Sacred Heart ngatur pengerami makai lemai meri basa, gempuru ninting taun
SIBU: Unit Nembiak Persatuan Bulan Sabit Merah Malaysia ( BSMM) Sekula Sekondari Sacred Heart udah ngatur pengerami masa sereta gempuru ninting taun ke digaga di sebuah restoren ditu, bedau lama.
Chairman BSMM Pelilih Sibu Penghulu Chua HIong Kee, Sekretari Besai BSMM Pelilih Sibu Jamali Yew Abdullah, Pemesai Penguasa Nembiak BSMM Pelilih Sibu Tang Tung Kwong, Penulung Kanan Kokurikulum SMK Sacred Heart Lau Tiew Kiong sereta Penulung Kanan Pekara Bekaul Nem- biaj SMK Sacred Heart Dew Ka Yee.
92 iku kaban Gerempung BSMM sekula nya mega udah nyereta pengerami nya ti ari nembiak sekula Pom 3 enggau 4 SMK Sacred Heart.
Ba jaku iya, CHua ngenataika pengaga ati ngagai tikas penyulut Gerempung BSMM SMK Sacred Heart ke udah bebendar lalu meri komitmen ti tinggi basemua aktiviti gerempung nya.
“Nengah pengeransing kita semua nyengkaum pengajar sereta raban pengatur sekula kelebih agi prinsipal, Unit Nembiak Gerempung BSMM SMK Sacred Heart udah nyadi siti gerempung ti pemadu nyulut di nengeri tu laban udah bulih ‘Anugerah Unit Belia Terbaik Persatuan BSMM Negeri Sarawak’ taun tu,” ku iya madah.
Pengerami masa tu dikena meri basa ngagai semua kaban ti udah meri servis ngagai gerempung BSMM sekula semanjai taun tu.
Kelimpah ari nya, pengerami tu mega meri awak ngagai kaban gerempung nya ngambika ulih bekelala enggau pangan diri sereta betukar penemu enggau peneleba bekaul gerempung nya.