60 premis dagang nyereta inisiatif gadung di Sibu

SIBU: Tebal agi perunchit ke nyereta kimpin ‘Say No To Plastic Bag 2.0’ ditu nyendiaka alternatif bukai ungkup penguna sida dikena ngurangka ngena kambut plastik.

Kenu ku Sapit Chairperson Kaunsil Mengeri Sibu (MPS) Rogayah Jamain, alternatif tu nyengkaum nyendiaka kutak keretas enggau kambut ke udah dikena.

Iya madah, naka tu 60 premis dagang nyereta inisiatif gadung ditu.

Berengkah 1 Januari taun tu, premis dagang ke nyereta inisiatif gadung tu ila nadai nyendiaka kambut plastik ngagai bala penguna.

MPS ngepunka kimpin nya lalu meri timpuh nguji tiga bulan bepun Oktober taun nyin kemari, iya nya Hari Enam, Hari Minggu enggau Hari Satu ditetap ‘Hari Tiada Beg Plastik’.

“Kimpin tu dipejalaika sepanjai maya, diatu MPS agi matau lalu ngajar mensia mayuh ti ngambi bagu tauka meri sukung ngagai inisiatif gadung tu,” ku iya.

Rogayah mega meransang mensia mayuh mai bagi kediri maya nurun meli barang.

Ngelansa pekara bukai, Rogayah madah pengawa ngerejister lisin ukuo ulih digaga ba ringkat 20, Wisma Sanyan ditu, ari pukul 8 pagi nyentik 1 lemai enggau 2 lemai nyentuk 5 lemai (Hari Satu- Hari Empat) enggau 8 pagi nyentuk 11.45 pagi enggau 2.15 lemai enggau 5 lemai (Hari Lima)

Kelimpah nya, orang ke bisi nupi jelu tau minta lisin ukup ukui sida ba UTC Sibu maya opis dibuka (UTC).