Proses ngerejister GPS bejalai enggau lanchar

KUCHING: Proses ngerejista Gabungan Parti Sarawak ( GPS) agi meruan sereta bejalai enggau lanchar.

Kepala Menteri Datuk Patinggi Abang Johari Tun Openg ke nyadi ketuai GPS nya madahka pekara nya deka dipadahka lebuh datai ba maya iya.

“(Proses pengerejista GPS) Iya ok.

“Ila aku madah ngagai kita (pengarang berita),” ku iya ti enggai ngenang panjai lebuh ditanya raban pengarang bekaul enggau pengerejista GPS.

Dulu ari nya Abang Johari ngulu program RECODA Big Bike enggau Kepala Menteri nyerumba ngintu genap 10 taun SCORE ditumbuhka, ti diatur Lembaga Pemabangunan Koridor Wilayah (RECODA) ba BCCK ditu, lemai kemari.

Penumbuh GPS dipadahka Abang Johari kena 12 Jun 2018, ti dipasuk empat parti ti kala nyadi parti komponen Barisan Nasional (BN) iya nya Parti Pesaka Bumiputera Bersatu (PBB), Parti Rakyat Bersatu Sarawak ( SUPP), Parti Rakyat Sarawak (PRS) enggau Parti Demokratik Progresif (PDP).

Serakup parti nya ditumbuhka pengudah BN alah ba Pengawa Bepilih Besai Ke-14 (PRU 14) kena 9 Mei 2018.

Nitihku Chairman Komiti TeknikalGPSDatukAlexander Nanta Linggi ti kala dikerandau ba sebengkah program sebedau tu madahka GPS semina nganti Opis Pengerejista Gerempung ( ROS) mantaika pemutus pemendar pengerejista nya (GPS).

Iya madahka semua dokumen ti bekaul udah dianjung ngagai ROS sereta semua bejalai enggau lanchar.