Anyi Ngau udah dipadu nyadi chairman PDP Mulu
SIBU: Gerempung Pengajar Bumiputera Sarawak ( KGBS) nyukung penuh penemu Menteri Pelajar, Sains enggau Pansik Teknologi Dato Sri Michael Manyin Jawong minta agih belanja ba bajet menua 2019 dikena nyeleti urung 500 buah sekula, tauka setengah ari semua penyampau sekula repuk ba Sarawak.
Gerempung nya pechaya agih belanja baka nya ba bajet perintah besai 2019, tu deka mai berita manah ngagai peranak Sarawak, kelebih agi bala pengajar enggau nembiak ba sekula ti ba kategori ‘repuk amat’.
“Ari pejalai Menteri Pelajar Dr Maszlee Malik empu ngabas beberapa sekula repuk ba Sarawak sebedau tu, KGBS mega ngarapka pengawa iya ulih ngenegapka pengawa ngagihka belanja dikena nyeleti sekula ‘repuk amat’ tu.
“KGBS andal amat nyadi menteri (Maszlee) ti chukup siru – deka ngemuntangka agi pengawa ngulihka belanja ti dikena nyeleti sekula ‘repuk amat’ ba Sarawak ba Bajet 2019 perintah besai,” ku Presiden KBGS Ahmad Malie bedau lama.
Ahmad ngelansa penerang Michael Manyin Jawong apin lama ke udah ke alai perintah Sarawak ngandalka deka bisi agih belanja dikena nyeliti urung 500 buah sekula, tauka setengah ari penyampau sekula repuk ba Sarawak, ba bajet menua taun baru.
Manyin udah madahka perintah Sarawak nerima manah tagit ditetapka Opis Menteri Pelajar (MoE) ba Putrajaya deka nembuka pengawa nyeleti 116 buah sekula repuk ba Sarawak taun tu, sekula repuk bukai mesti mega diberi perati.
Iya nerangka sekula repuk tu ukai semina patut diseleti aja, tang begunan mega patut dientak baru, kelebih agi ba 415 buah sekula dikumbai ‘repuk amat’.
“Kitai endang ngandal amat, baka dipadahka Menteri Pelajar Dr Maszlee Malik, ke alai sida (perintah besai) bisi juluk deka nyapai 50 peratus tembu nyeleti sekula repuk serata menua taun baru, tu deka nyengkaum 50 peratus sekula repuk ba Sarawak,” ku Manyin lebuh dikerandau apin lama ke udah.
Iya mega ngingatka MoE ke alai kesemua 1,020 sekula ditemu deka repuk ba Sarawak, kelimpah ari 415 buah sekula ti ‘repuk amat’, 210 buah sekula dikumbai 50 peratus repuk, enggau 395 iya nya 25 peratus repuk.
Belalauka langkar diperambu perintah Sarawak, ku iya, Sarawak deka beguna urung RM5 bilion dikena nyeleti enggau ngentak baru sekula tu. Nya kebuah, pengawa nyeleti enggau ngentak baru 50 peratus tauka urung 500 buah sekula deka bekenaka belanja urung RM2.5 bilion. MARUDI: Kaban Parlimen ( MP) Baram, Anyi Ngau (gambar) dipadu nyadi Chairman Parti Demokratik Progressif ( PDP) ungkup sitak N. 78 Mulu, ba siti pemutus sepenemu rambau aum besai ninting taun parti nya diatur ba UTC Miri, Hari Enam tu tadi.
Kelimpah Anyi, beberapa iku bela dipilih nyadi kaban komiti PDP bagi menua Mulu ungkup penggal 2018/2021 iya nya Tuai Rumah (TR) Blalang Atom nyadi sapit chairman; Hendrick Iboh (mandal chairman I); Agung Bangau (mandal chairman II) enggau TR Hillary Tawan Achai (mandal chairman III).
Seraya pangku pengawa sektretari dipebasa meruan dipangku Lian Terawe enggau TR Peter Edam nyadi tukang wang.
Ketuai Raban Indu dipenggi Annia Selalang enggau
Ari pejalai Menteri Pelajar Dr Maszlee Malik empu ngabas beberapa sekula repuk ba Sarawak sebedau tu, KGBS mega ngarapka pengawa iya ulih ngenegapka pengawa ngagihka belanja dikena nyeleti sekula ‘repuk amat’ tu. Ahmad Malie Presiden KGBS
Ketuai Nembiak pulai ngagai Kaunsilor Jimmy Tinggang, seraya pangku pengawa ketuai penerang dipangku Wellesly Bolly Ongie.
Tujuh agi bala bukai bela dipadu mangku pengawa nyadi komiti PDP N.78 Mulu iya nya Ken Unong; Suel Garit; Nyaru Garing Munau; Dora Lee enggau Bujang Long. Seraya Robert Ayu dipadu nyadi penyanding penemu Bagi Menua Mulu.
PDP Mulu mega udah milih dua iku kaban nyadi pengari ngagai aum tiga taun sekali parti nya ti deka diatur ba Bintulu kena 15 enggau 16 November, TR Blalang enggau TR Peter Edam seraya tujuh kaban komiti bukai ti dipilih nyadi pemerati iya nya Wellesly Bolly, Suel Garit, TR Hillary Tawan, Sandra Maran, Annia Selalang, Ken Unong enggau Agung Banggau.
Ba aum nya, Bagi Menua Mulu udah mantaika sepuluh resolusyen iya nya ngetanka Dato’ Sri Tiong King Sing nyadi presiden PDP nadai direbut ungkup penggal 2018/2021; kedua – dekaka abis nadai siku kaban Kunsil Pelilih Marudi (kaunsilor) ari raban bansa Iban ari Sitak Poyut/Lubok Nibong (sitak dipegai PDP).
Seraya lapan resolusyen bukai deka dibantaika kaban komiti rambau TGM ila.