PKR Sarawak agi bisi isu penyampau raban ti direjista nadai pemendar
KUCHING: Kereja nyeleti jalai alun semanjai 43.2km ti nyambung Miri ngagai Marudi udah tembu lima peratus.
Ketuai Pemesai Eksekutif (Operasyen) Kumpulan CMSB, Goh Chii Bing madah nyentuk 25 Oktober tu tadi, projek nya tembu tumu ari timpuh ti diberi 30 bulan enggau 87 peratus kereja tembu.
“Berindik ari gaya hari enggau gaya rampa menua ti kasar, tim CMS madahka kereja udah dipejalai tumu agi lalu dipelaba projek nya deka tembu dalam suku kedua taun baru.
“Kami ngemeratka peminta jalai penyambung komuniti ba kandang menua tu.
“Raban kami mega andal hari bulan kepenudi pengawa nembuka projek enggau kereja nyeleti mesti tembu nitihka spesifikasyen lalu timpuh udah ditetap.
“Taja pia, taja napi musim pengujan diatu, tim kami pechara deka ulih tembu dalam timpuh ti udah ditetap,” ku iya ba penerang berita kemari.
Pengelikun sida ti betengahka jalai alun nyadi pekara dikemeratka kami lalu naka ulih ngarapka sida nitihka papan tanda enggau enda laju deriba sepanjai timpuh pengawa nyeleti enggau ngaga jalai dipejalai.
Komponen ungkup kereja nyeleti udah tembu, enggau kereja pemun, kereja ngenegapka semin, ngelekatka batang paip semua udah tembu.
Fokus diatu iya nya nambahka premiz ba atas jalai, udah datai ba tikas 60 peratus tembu. SIBU: Parti Keadilan Rakyat (PKR) Sarawak empai jenuh enggau isu penyampau raban ke direjista ti nadai pemendar.
Kemari, gintir PKR Pampang Sarikei datai ngaga ripot ngagai Opis Nagang Pengawa Makai Suap Malaysia (SPRM) Sibu bekaul enggau pekara nya.
Sida tu betuaika Ketuai PKR Pampang Sarikei Wong Ching Tung.
Nerang enggau nyemetak, ku Wong, pampang parti sida nadai nerima peminta nyadi raban naka 26 Jun 2018 tang sida tekenyit ati iya nya kena 27 Jun 2018 penyampau raban parti sida nambah ngagai 1,397 iku.
“Sebedau nya, kami semina bisi 346 iku aja tang dalam kandang sehari nya aja (27 Jun) penyampau raban nambah 1,051 iku.
“Nya alai, kami ngasaika pekara tu enda nitihka atur parti lalu mai ngagai SPRM ngambika dipansik enggau lengkas,” pia ku iya maya aum media, lemai kemari.
Sama bela datai maya tu iya nya sapit iya Ngu Tieng Chai, sekretari Peter Kong enggau ketuai raban nembiak Yee Chin Kui.
Iya mega madah, sebedau ngelawa opis SPRM, sida udah ngaga ripot bekaul enggau pekara nya ba Opis Polis Sarikei kena 26 Oktober empai lama.
Nambahka jaku iya, ku Wong, iya ti nyadi ketuai pampang parti di Sarikei patut dulu agi nemu sapa bagi mensia mayuh ke deka nyadi raban.
“Aku mega enda nemu (sebedau tu) nyau 1,051 iku direjista nyadi raban baru.
“Kelimpah ari nya, udah dipansik kami, tebal agi sida ke baru tu datai ari Julau enggau Pakan iya ke ukai bungkur Pampang PKR Sarikei,” ku iya madah baru.
Maya tu mega, Wong madahka siku nama kaban lama pampang parti sida dikena enggau nadai pemendar orang bukai ngerejista diri nyadi raban baru.
“Aku ngasaika pekara tu enda patut nyadi ti ngujungka tau ngerejista raban baru ba PKR Pampang Sarikei enggau enda nitihka atur parti,” pia ku iya.
Kelimpah nyadi ba PKR Pampang Sarikei, pekara tu mega bisi nyadi ba pampang bukai lebih agi ba Julau ti dipadahka pemadu mayuh raban nambah baru.
Pia mega, sebedau tu dipadahka nyadi siku Kaban Kunsil Nengeri ( ADUN) enggau sida sebilik direjista nyadi raban enggau chara belalai.
Pengawa bepilih PKR Sarawak deka dipejalaika kena 10 November ti deka datai.
Ba sekeda pampang, bisi mega chalun ketuai pampang dipadahka raban ke baru direjista nyadi raban ti nunda enda ulih bediri ba penuduk nya tauka komiti parti bukai enti nadai pemendar.