Stephen Mundaw pichin ari ATM kemari
KUCHING: Datuk Stephen Mundaw nembuka servis iya pengelama 41 taun gawa enggau Raban Soldadu Malaysia (ATM) ke mega nyadi Panglima Medan Timur Soldadu Darat kemari.
Iya ti pinchin nyerahka pangku pengawa iya ngagai Leftenan Jeneral, Datuk Wira Zamrose Mohd Zain nyadi Panglima Medan Timur Ketiga.
Bejaku ngagai raban pengarang berita, Mundaw me- san pemesai enggau raban soldadu ti neruska pengawa enggau kuing soldadu darat ngambika meri servis enggau penuh komitmen sereta bededikasi .
“Enda ngira nama ke digaga kitai enda tauka enda fokus sereta ngereja nya enggau naka pemanah ke ulih enggau penuh komitmen, bededikasi sereta beintegriti.
“Anang ngereja pengawa baka semadi aja, nya mih prinsip ke dipegai aku sekum- bang 41 taun dalam servis,” ku iya.
Iya madahka prinsip nya tau nyadi teladan ngagai nembiak ke bisi pengerindu meri servis dalam pengawa nyadi soldadu.
Atur pengawa nyain Nota Nyerah Nerima Pengawa enggau nyuaka Tungkat Kuasa Pemerintah Medan Timur dikemataka Panglima Soldadu Darat Jeneral Datuk Seri Panglima Ahmad Hasbullah Mohd Nawawi.
Pengawa bebaris Nyerah Nerima Pengawa ti dipejalaika ba Padang Kawad Kem Muara Tuang ti mungkur 27 Pemesai enggau 473 raban ke bepangkat bukai.
Mundaw keterubah iya mangku pengawa nyadi Panglima Medan Timur Kedua, nganti Leftenan Jeneral Datuk Wira Mohd Zaki Mokhtar ti pichin dalam bulan Mei taun tu tadi.
Nadai pekara ke bekaul enggau pengawa nyukat tanah,, kitai mega enda nemu nama kebuah sida mega nadai nyebut sebarang pekara ke bekaul enggau subsidi getah, lada. Datuk Amar Douglas Uggah Embas Sapit Kepala Menteri Sarawak