Peranak di Sebayang, Tusok udah nerima pemaik elekterik 24 jam
SIBU: Kelab Sape Dayak Sibu (KSDS) deka ngatur Woksyop Pemun Belajar Sape kena 1 Disember tu ti bepalan ba bilik aum Begunan Arked Mara Sibu berengkah ari pukul 9 pagi nyentuk 5 lemai.
Chairman KSDS Anthony Abong madah, woksyop nya ila deka ngiri penemu sentang mayuh topik ti bekaul enggau sape nyengkaum chara nebah nya.
Ku iya, tu siti peluang ungkup sida ti ngembuan juluk deka nebah sape lalu belajarka kereban muzik asal sape ti enda kala ampit ngulu program sebedau tu.
“Woksyop tu tebuka ngagai semua enda ngira umur sekalika orang besai tuai enggau nembiak sekula.
“Orang besai tuai ditu kami kategorika ngagai sida ti beumur 18 taun ke atas alu nembiak sekula iya nya ti beumur 17 taun ke baruh (agi besekula),” ku iya nandu.
Nitih ku Anthony, wok- syop tu digaga beserimbai enggau musim pemisi sekula ngambika ulih mayuh agi sida nembiak sekula ulih nyereta woksyop tu.
“Ba edisyen dulu agi ari tu, kitai ngaga ba HAri Lima dalam bulan September lalu ngujungka mayuh nembiak sekula enda ulih nyereta ket- egal jam ti enda engkeman.
“Nya alai. sekali tu kami ngaga mayau musim pemisi sekula,” ku iya nerang.
Ku iya nambah, bala nembiak sekula endang dikemerat sentang penemu nebah kereban muzik asal sape tu laban sida ti deka neruska penemu nya jemah ila.
Iya nerang, sida mega bisi ngangau pengajar sekula sama nyereta woksyop nya.
Tetiap pesereta ke tembu woksyop nya deka diberi setipikit ari KSDS.
Bayar masuk enggau nyereta woksyop nya RM85 ungkup sida besai tuai, lalu RM40 ungkup nembiak sekula.
Beserimbai enggau nya, muakka malam ba hari ti sama bisi siti program begempuru ungkup sida ti angkunka sape deka digaga bepalan ba Dapur Panas Cafe, Jalai Aman berengkah ari pukul 7 lemai nyentuk 12 tengah malam.
Program nya, ku iya, nyadika pelasar dikena sida ti angkunka sape mantaika pengelandik sida nebah kereban muzik asal nya ti diatur KSDS mega.
Sebarang tanya enggau silik tauka deka ngerejista diri ulih betelefon ngagai Anthony ba lumur 013- 5650914 tauka muka ruai rasmi KSDS di media rama ‘Facebook’. SARIKEI: Urung 1,000 peranak di Sebayang enggau Tusok ba Tanjung Manis di kandang menua tu udah ulih ngasaika bekal elekterik 24 jam berindik ari penembu projek skim Bekal Elekterik Menua Pesisir (BELB) ba kandang menua nya bedau lama ti udah.
“Aku andal projek BELB udah mujur disambung ngagai 11 buah rumah panjai ti ngaul 175 ruang bilik ari grid besai nitihka disemaya aku maya Pengawa Bepilih Nengeri (PRN) suba,” ku Menteri Muda Perambu Mengeri, Pengatur Tanah enggau Rampa Menua Datu Len Talif Salleh lebuh ke bejadi projek di Rumah Panting, Sebayang ditu kena Hari Empat tu tadi.
Kelimpah ari peranak di Rumah Panting , entara genturung pendiau ti sama nerima pemaik ari projek nya Rumah Bangga Mujah, Rumah Francis Bujang Jelan, Rumah Unjil Rawu, Rumah Mengkang Rangkong, Rumah Saung Abang, Rumah Entiu Yuoh, Rumah Balang Barang, Rumah Baki Bujok, Rumah Ukat Chileng enggau Rumah Johny Kubau.
Kelimpah ari projek BELB, projek jalai ti nyambung kandang menua di Tanjung Manis ke udah kala disemaya iya maya pengawa bepilih nengeri sebedau tu mega udah tembu, ku Len.
Projek pemansang bukai ti bisi disemaya deka mega dipejalai dikena ngangkatka infrastruktur sereta perengkaguna pemun ngambi ulih nyungkak penatai pemisi peranak di kandang menua nya.
Ba kenang ke bukai, nyadi pengari peranak di kandang menua nya, Tuai Rumah Panting Untok meri besai terima kasih ngagai Len ke udah meri pemerat ngagai peminta sida sereta mega ngagai perintah nengeri ti udah ninga serebana sida.