80 peratus ari 250 buah rumah panjai di Tamin udah disambung kuasa karan
SIBU: 80 peratus ari 250 buah rumah panjai di sitak Tamin udah disambung kuasa karan, seraya ke bukai nya deka disambung enggau grid kuasa Skim Kuasa Karan Alternatif Menua Pesisir Sarawak (SARES) ba taun 2020, pia ku Kaban Kunsil Nengeri ( ADUN) Tamin Christopher Gira.
Ku iya, sekeda rumah panjai ti bedau nerima kuasa karan 24 jam diatu bepanggai ba set jenerator.
“Aku udah nerima penerang ari Sarawak Energy Berhad ( SEB) bekaul eng- gau bungkur kuasa karan ungkup sitak Tamin ba taun 2020 ila, mayuh rumah panjai deka nerima kuasa karan ari sambung grid kuasa tauka SARES,” ku iya nerang.
Taja pia, ku iya madah, pekara ke pemadu berat patut dirunding mega endang deka bisi rumah panjai baru digaga ila, kelimpah ari sekeda nya benung dikemanah tauka digaga besai agi.
Menteri Bekal Ai enggau Elekterik Menua Pesisir Datuk Seri Dr Stephen Rundi Utom mega ma- dah perintah nengeri nagit dekaka kuasa karan bisi disambung dalam semua sitak ba taun 2025.
Kelimpah ari nya, kena Hari Empat tu tadi, Sapit Menteri Pemansang Menua Pesisir bisi ngabas Rumah Lasit, Hilir Arip di Bal- ingian dikena meda bekal kuasa karan nengah projek gris kuasa ti beungkus lebih ari RM3 milion ke udah dipejalai ba kandang menua nya.
Sivarasa madah projek nya patut meri pemaik ngagai peranakRumah Lasit, Rumah Jampi, Rumah Chumat sereta rumah kediri lalu pia mega Sekula Primari ( SK) Iban Union.
Sivarasa mega madahka opis menteri nya ngena pun penatai kuasa alternatif ungkup genturung pendiau di kandang menua pesisir.