Menua tu randaka raban ti pintar runding ke ulih besemekih ba dunya pemansang diatu lalu ulih ngubah nasib bansa kitai
KABONG: Menua tu begunaka raban pintar runding nampung pengawa pemansang enggau nyapai juluk menua, pia ku Penulung Direktor Opis Pemansang Mensia Mayuh (KEMAS) Nengeri Sarawak, Langi Liban.
Nya kebuah pekara pelajar patut dikemerat ba tetiap renggat ngambika rebak ti ditempa ari institusyen pelajar menua bisi kualiti tinggi enggau ulih besemekih ba dunya pemansang ti majak mar.
“Dikena nyikap diri datai ba taun 2020, bala nembiak kitai patut diberi pelajar ti menyana. Enti enda, kitai deka terus tinggal laban pelajar meh ti ulih ngubah nasit bansa kitai,” ku iya.
Iya mansutka jaku nya lebuh bejaku bejadika Majlis Anugerah Kecemerlangan Kanak kanak Tabika dan Taska KEMAS Zon Kabong bepalan ba Balai Komuniti Kabomg semak ditu, kemari.
Ku iya, fokus ba pelajar rebak nembiak enda ulih lari ari tagit nempa abis nadai nembiak nyulut sekalika ba renggat Tabika, UPSR, PT3, SPM, STPM tauka diploma, degree enggau master.
“Enti kitai enda nganjung bala anak besekula ngiri penemu, baka ni tagit tu ulih dijapai?” ku iya.
“Pemar ti bisi ma mua kitai besai amat enti bala anak enda disikap ngena penemu ti deka nyadi aset besai ba pengidup jemah,” tandu iya.
Ba lansa bukai, iya mega ngingatka apai indai seruran
Dikena nyikap diri datai ba taun 2020, bala nembiak kitai patut diberi pelajar ti menyana. Enti enda, kitai deka terus tinggal laban pelajar meh ti ulih ngubah nasit bansa kitai. Langi Liban Penulung Direktor KEMAS Sarawak
beratika pejalai baka anak pengudah jam sekula lalu seruran nentuka bala anak sida ngereja aktiviti bisi pemaik.
“Nyadi apai indai enda patut ngelempaika tanggungpengawa nyaga anak kita ngagai bala pengajar aja tang patut sida empu bejalaika pangku pengawa ti sama,” ku iya.
Nya alai ba pekara tu, apai indai patut berati laban kitai semua nemu, bala anak deka nampung pengawa dudi hari.
“Sida tu mih deka nyadi ketuai ti ngemansangka menua kitai, nya kebuah, kitai ti nyadi apai indai patut nentuka sida nyadi orang menyana ngagai menua,” tandu iya.
Sama datai Pemesai KEMAS Bgi Menua Betong, Peggy Ann Iba Matu, Pemesai KEMAS Pelilih Saratok, Muhammad Iqbal Abdullah sereta bala bukai.
Berebak enggau nya, urung 250 iku nembiak mit Tabika enggau Taska KEMAS Zon Kabong nerima setipikit enggau perais sida ba atur pengawa sehari nya.