Tetiap MP GPS nerima RM1 juta ungkup MRP, RM5 juta ungkup RTP
MIRI: Agih belanja pemansang sepenyampau RM1 juta ungkup projek mit pemansang menua pesisir (MRP) ngagai Kaban Parlimen (MP) Gabungan Parti Sarawak ( GPS) endang mantu ba pengawa ngenataika servis.
MP Sibuti, Lukanisman Awang Sauni madah kelimpah ari MRP, MP GPS mega nerima projek transformasyen menua pesisir ( RTP) penyampau RM5 juta enggau pengawa ngintu palan servis penyampau RM250,000.
“Agih belanja diberi perintah nengeri tu deka ngenegapka agi pengawa ngenataika servis bala MP GPS ba sitak sida empu,” ku iya lebuh nyuaka geran khas Parlimen Sibuti kemari.
Berebak enggau pengawa nya, sepenyampau 19 gempung ukai dikuasa perintah enggau serakup nerima MRP sida empu enggau semua penyampau RM149,700.
Ngelansa silik, agih belanja ti diberi ngagai MP nya deka diagih enggau lurus agi belalauka peminta projek ari rayat.
“Kitai enda ulih meri geran ngagai semua laban iya bepanggai ba runding projek tauka aktiviti ti dipejalai.
“Taja pia, bisi ti deka nerima mayuh penyampau lalu bisi mega nerima pen-
Agih belanja diberi perintah nengeri tu deka ngenegapka agi pengawa ngenataika servis bala MP GPS ba sitak sida empu. Lukanisman Awang Sauni MP Sibuti
yampu mimit bepanggai ba peminta,” ku iya nambah.
Lukanisman mega madah enti perintah nengeri enda meri agih belanja pemansang ke alai MP GPS enda ulih nangkup peminta rayat.
“Kitai beterima kasih ngagai Kepala Menteri Datuk Patinggi Abang Johari Tun Openg ngagihka belanja pemansang ngagai kitai dikena ngemansangka sitak menua,” ku iya nerang.
Lukanisman ngarapka semua penerima geran nya ngena memanah dikena ngatur aktiviti baka ti dipinta sida sebedau tu.
Ba lansa bukai, iya berasai asa enggau pengawa mantaika Bajet 2019 dibantaika Perintah Besai ti baka nejuka hak Sarawak.
“Kitai nerima belanja pemansang ti mit sereta enda lenak lalu tu nunjukka perintah besai enda kiruhka peminta Sarawak,” ku iya.
Taja pia, pengawa mantaika Belanjawan 2019 dibantaika perintah nengeri fleksibel agi sereta mantu ngemansangka rayat.
Sama datai Pemesai Pelilih Miri, Abdul Aziz enggau Ketuai Komuniti, Pemanca Wilson Siang Lee.