Pengerembai teknologi diatu nagih kita meseti belajarka penemu baru ti meratka teknologi kelimpah ari sastera
KUCHING: Apai indai meseti meransang, ngembing sereta meri ajar ngagai bala anak nguasa sabjek Sains, Teknologi, Engineering enggau Matematik (STEM).
Kepala Menteri, Datuk Patinggi Abang Johari Tun Openg madah pengerembai teknologi maya ke diatu nagih kita meseti belajarka bengkah penemu ke baru ti meratka teknologi kelimpah ari sastera.
Nambahka nya ku iya, makit kereja diatu meratka bengkah STEM kelimpah seni enggau sastera.
Ketegal nya, apai indai meseti ngembing lalu ngajar bala anak sereta uchu ngambika ulih nelebaka diri enggau penemu baru tu.
“Kitai nemu anak kitai ulih enti diberi peluang alai kitai meseti seruran meri
Kitai nemu anak kitai ulih enti diberi peluang alai kitai meseti seruran meri peransang ngagai bala anak ke mengkang besekula sentang guna pelajar. Datuk Patinggi Abang Johari Tun Openg Kepala Menteri Sarawak
peransang ngagai bala anak ke mengkang besekula sentang guna pelajar,” ku iya.
Iya mansutka jaku nya ba Majlis Silaturahim Old Star 2018 di Palan Konvensyen Penview (PCC) Demak ditu, malam ensanus.
Bela datai bini iya, Datin Patinggi Datuk Amar Juma’ani Tuanku Bujang sereta Presiden Old Star tauka Persatuan Bekas Pelajar Sekolah Menengah Tunku Abdul Rahman, Dato Dr Malike Mahli.
AbangJoharinambah, dikena nentuka anak pelajar Sarawak ulih nguasa STEM, sida meseti disikap enggau pelajar prasekula ke bekualiti.
Menua Singapura enggau Finland meratka kualiti prasekula alai sabjek Matematik, Sains enggau bahasa Inggeris dikemerat.
Tang mayuh pra- sekula ke ngembuan kualiti diempu pribit ti ngelatakka bayar ke besai lalu semina orang ke kaya aja ulih nganjung anak sida besekula diak.
“Ketegal nya aku deka ngaga ubah ba polisi alai Perintah Nengeri deka ny- endia pra-sekula ke bekualiti ngagai anak kitai.
“Kitai ulih melanja semua tu ngambika bala anak kitai nyengkaum di menua pesisir enggau kandang mengeri bela ngasaika pra-sekula ke bekualiti,” ku iya.