SAWAS mantu Sarawak mekal ai 100 peratus manggai ba taun 2025
KUCHING: Program Sarawak Alternative Rural Water Supply ( SAWAS) nyaup Sarawak nyapai juluk 100 peratus bekal ai manggai ba taun 2025.
Menteri Utiliti Dato Sri Dr Stephen Rundi Utom madah, kelimpah ngangkatmanah sistem bekal ai nengeri, SAWAS nyendia bekal ai ngagai kandang endur ke jauh di menua ulu.
“SAWAS nyendia bekal ai beresi ngagai komuniti ti diau jauh di menua ulu ke enda ulih disambung ngagai sistem bekal ai” ku iya.
Dr Rundi mansutka jaku nya lebuh nyimpul jurai Aum Dewan Kunsil Nengeri (DUN) di Begunan DUN ditu, kemari.
Ngepunka program SAWAS ku Dr Rundi nambah, lima pakej kereja udah tembu digaga dalam timpuh 12 bulan naka 31 Oktober 2018.
Ku iya, projek nya diatu udah nyendia bekal ai beresi ngagai 22 genturung pendiau ti diarika 562 ruang bilik.
Semua lima pakej iya nya, Pakej 1; Rh Unchau, Rh Banta, Rh Sunam, Rh Kaya enggau Rh Renang di Ulu Pandan, Sebauh.
Pakej 2; Long Seridan enggau Long Peluan di Baram, Kalampuan di Lawas.
Pakej 3; Rh Untat di Song, Rh Ninting, Ng Jambu di Lubok Antu enggau Kpg Belantak di Limbang.
Pakej 4; Rh Ameit, Rh Sipang, Rh Jantai, Rh Belinau, Rh Iboh, Rh Rantai enggau Rh Endok di Nanga Semah, Daro.
Pakej 5; Kpg Penasu, Daro: Rh Chochok, Rh Manggong, Rh Amoi enggau Rh Minang di Muara Lebaan, Daro.
Ngenang kaul ke sama, Rundi madahka Program Grid Bekal Ai Ungkup kandang endur ke suah napi penanggul suntuk bekal ai, bisi 251 projek di serata nengeri.
“Semua projek begunaka belanja RM3.92 bilion ke alai ba Atur Pemansang Malaysia Lumpar Ke-11, agih belanja RM2.8 bilion diungkup ke projek tu
“Semua projek deka berengkah lalu disadang tembu dalam timpuh 2 taun ke alai 249 projek tembu ba yaun 2020 lalu laluh 2 projek engka laun mimit,” ku iya. KUCHING: Duit jali ungkup pengawa ngaga rumah panjai deka terus disedia, ku Menteri Kaunsil Kandang Menua enggau Pengawa Berumah Datuk Dr Sim Kui Huan.
Ba taun 2016, opis menteri aku nerima RM40 juta ari perintah besai ungkup program bantu tu.