ADUN Padungan diperintah pansut ari DUN kemari

KUCHING: Kaban Kunsi Nengeri (ADUN) Padungan ari DAP, Wong King Wei ( DAP- Padungan) diperintah pansut ari Dewan Kunsil Negeri (DUN) lalu enda dikemendar ngulu aum DUN kemari.

Speaker DUN Datuk Amar Mohd Asfia Awang Nassar ngeluarka perintah nya pengudah Wong enda arapka kreadibiliti enggau pengelurus speaker ngatur aum.

Kelimpah ari nya, Wong mega deka ditasat Komiti Hak ‘Istimewa’ Dewan.

Maya netapka pemutus, Asfia madah kuasa speaker mungkur tiga kategori alai keterubah speaker nyadi jurujaku ngagai kaban dewan, ejensi megai kuasa enggau sida ke bukai di luar dewan.

Kedua nyadi chairman Dewan, neritka undangundang lalu ketiga megai tanggungpengawa nentuka pejalai dewan lanchar.

Ku Asfia, mosyen Wong enda diterima alai pemutus speaker semina tau ditanya ungkup pekara ke berat ti dirintai dalam perintah tetap DUN.

“Pemutus Speaker DUN semina tau ditanya enti mosyen nya berat sereta ngembuan kebuah ke nyemetak.

“Ketegal nya, ADUN Padungan deka ditasat Komiti Hak ‘Istimewa’ Dewan,” ku iya pengudah undi ari kaban dewan meri sukung ngagai pengawa nya.

Sepenyampau 56 iku kaban Dewan setuju Wong ditasat komiti lalu tujuh iku mantah.

Dewan charut enda lama ke alai Wong enda lantang enggau pemutus nya lalu keran deka ngenanka diri.

“Nuan, Kaban Kunsil Nengeri Padungan tau ngenanka diri ba mua Komiti Hak ‘Istimewa’ DUN,” ku Asfia.

Tajapia, ulah Wong ke majak bejaku ngelaban speaker, kelimpah ngachau awak menteri bukai bejaku ngasuh Asfia ngeluarka perintah Wong diasuh pansut.

“Tulung embing YB Padungan pansut. Nuan enda dikemendar ngulu aum sepemanjai hari tu,” ku Asfia.

Datuk Dr Sim Kui Huan Menteri Kaunsil Kandang Menua enggau Pengawa Berumah

Taja pia, iya madah pekara nya tauka duit jali bepanggai ba agih belanja ke disedia perintah besai.

“Ba taun 2016, opis menteri aku nerima RM40 juta ari perintah besai ungkup program bantu tu.

“Ba taun 2017 enggau 2018, opis menteri minta RM50 juta tetiap taun, tang semina diberi 10 juta setaun,” ku Dr Sim.

Iya mansutka jaku nya lebuh nyimpul jurai Aum Dewan Kunsil Nengeri (DUN) Ke 18 ditu, kemari.

Dr Sim nambah, kenyau 2016 nyentuk ke diatu 2,280 ruang bilik udah dibantu nengah program nya.

Ngenang sentang program berumah ungkup raban orang kurang penatai pemisi (B40), iya madah Gempung Pengawa Berumah (HDC) bisi nyendia RM250 juta.

Agih belanja nya dikena ngaga 1,338 rumah ungkus mit di Darul Hana, Tabuan Melayu, Sematan, Lundu enggau Bau.

“Sepenyampau 42 buah digaga di Kampung Tian enggau Kampung Igan di Mukah, 110 buah di Kemuyang enggau Dato Baru di Sibu.

“Ba Kapit, 150 buah deka digaga di Kampung Baru enggau 128 buah di Ranggau,Limbang,” ku Dr Sim

Kelimpah ari nya, iya mega madah HDC bisi nyendia RM127 juta dikena ngemujur projek infrastruktur di Sibu, Kuching, Sri Aman, Betong enggau Miri.