Raban kunteriktor DCCI minta diungkup peluang ba projek perengkaguna nengeri
KUCHING: Raban kunteriktor ari Balai Dagang enggau Industri Dayak (DCCI) ngiga peluang ba projek perengkaguna nengeri ti dipejalaika di nengeri tu.
Pekara tu udah disebut sida lebuh ke nemuai meri basa ngagai Menteri Bekal Ai enggau Elekterik Menua Pesisir, Dato Sri Dr Stephen Rundi Utom apin lama ke udah.
“Kami ngapil ngambika diberi bagi ti nyemetak ari projek Skim Bekal Kuasa Karan Menua Pesisir ungkup perengkaguna sereta mega di serata Sarawak.
“Menteri madah iya deka beratika peminta sida lalu deka mai pekara nya ngagai kabinet ngambika dipejurai silik agi,” ku penerang DCCI kemari.
Raban DCCI diuluka presiden sida, Datuk Joseph Salang Gandum, Chairman Komiti Kereja Leonard Martin Uning, Kaban Kaunsil Besai Peter Sagan, Eksekutif Sekretari Terence Temenggong Jayang enggau bala kunteriktor Dato Janang Bunsu, Bujal Jantai enggau Belayong Jampong.
Sama bisi nemuai iya nya Sekretari Mendam Opis Menteri Bekal Ai enggau Elekterik Menua Pesisir Dato Alice Jawan sereta bala pemesai opis bukai. KUCHING: Kaunsil Kraf Sarawak deka terus bejalaika tanggungpengawa ngelaku enggau ngemansang industri kraf.
Menteri Dagang Temuai, Seni, Main Asal, Nembiak Lumba enggau Main Datuk Abdul Karim Rahman Hamzah madah, pekara nya ungkup pemaik peranak ke diau besemak kandang mengeri enggau di menua pesisir.
“Sida ngemansutka mayuh bengkah produk tradisional enggau kontemporari ti deka nangkup pinta pemeli enggau makit.
“Produk tu digaga ari wi, bemban, buluh, kayu, manik, kutak enggau tanah liat,” ku iya.
Abdul Karim mansutka
Sida ngemansutka mayuh bengkah produk tradisional enggau kontemporari ti deka nangkup pinta pemeli enggau makit. Datuk Abdul Karim Rahman Hamzah Menteri Dagang Temuai, Seni, Main Asal, Nembiak Lumba enggau Main
jaku nya rambau nyimpul jurai Opis menteri ba Aum Dewan Kunsil Nengeri (DUN) Ke 18 di Begunan DUN ditu, kemari.
Iya nambah, bansal bejual asil pengelandik jari suah dibuka ba pengerami besai ke diatur di serata nengeri.
Atur nya ku iya nyaup nambah penatai pemisi orang dagang kraf kelimpah nyaup matak temuai datai.
Ngenang kaul ke sama, Abdul Karim madah ba taun 2018, Kuching dilawa raban juri ari Kaunsil Kraf Dunya.
Iya ngarapka ari penemuai raban nya, Kuching ulih diberi status Mengeri Kraf Dunya.
Iya nambah, pemansang kraf di Sarawak dibagi ngagai tiga batang pengawa, iya nya ngangkatka kapasiti, pengawa ngelaku sereta pengawa mansik enggau ngemansang.
Nengah pengawa ngangkatka kapasiti, iya madah ba taun 2018 Kaunsil Kraf Sarawak bisi ngatur program ti beratka pengelandik.
Ku iya, penyampau 25 sesi latih diatur lalu matak 188 iku pesereta naka 31 Oktober 2018.
Kaunsil Kraf Sarawak mega ngaul diri ba 18 promosyen enggau pengawa bejual lalu matak 142 penyereta kelimpah meri penatai pemisi RM485,000 (asil jual terus).
Ungkup 2019, Abdul Karim madah Kaunsil Kraf Sarawak beratka atur nyendia peluang ngagai pengeluar kraf enggau orang dagang kraf.
Atur nya mega dikearap ulih nentuka asil kraf diterima di makit dalam nengeri, menua enggau antarabansa, tandu Abdul Karim.