Semua sektor patut ngaga ubah seriris enggau transformasi digital awakka ulih terus besemekih
SIBU: Revolusi industri Keempat (IR 4.0) mungkur teknologi meri pemar baru ngagai semua sektor industri lebih agi di Sarawak.
Sapit Kepala Menteri Datuk Amar Awang Tengah Ali Hasan madah, kebuah pia laban ubah nya begunaka sida ngadu ubah seriris enggau transformasyen digital awakka ulih terus besemekih.
Awang Tengah madah, IR 4.0 mungkur pengawa tetemuka mayuh teknologi baru baka automasi, Internet of Things (IoT), analisis enggau big data, simulasi, integrasi sistem, nguna robotik enggau ‘cloud’ ti deka ngerichah pemansang landskap dunya moden.
“Ubah tu ngelai penatai sistem fizikal siber ke mungkur pengulih baru digaga mensia, mesin enggau chara baru teknologi.
“Tu deka terus mutar penanggul kelalu bepanggai ngagai pemisi kuasa sereta ngubah pendiau dudi hari ba dunya kereja,” ku iya.
Iya madah munyi nya ba
Ubah tu ngelai penatai sistem fizikal siber ke mungkur pengulih baru digaga mensia, mesin enggau chara baru teknologi. Datuk Amar Awang Tengah Ali Hasan Sapit Kepala Menteri Sarawak
teks jaku iya ke dibacha Menteri Muda Pemansang Pengawa Dagang enggau Pengawa Dagang Jelan Pemesai (SME) sereta E-Dagang Datuk Mohd Naroden Majais rambau bejadika Seminar Industri 4.0 ba sebuah hotel tebilang ditu.
Kenu ku iya, Sarawaj patut ngaga ‘leapfrog’ tauka engkechit terus ngagai IR 4.0 nengah chara ngasilka inovasi ti kreatif sereta moden.
“Semina nengah chara nguasa teknologi nya, Sarawak deka ba rintai luan ba pengawa ngemansut ti jampat sereta bulih makit ekonomi ti besai.
“Iya lebih beguna, sistem automasi ke digaga ari ‘artificial intelligent’ deka nge- mujurka pengawa ngasilka produk bekualiti tinggi, ulih intu sereta enda bepanggai ngagai mayuh pengereja pengawa,’ ku iya.
Ku iya, perintah patut berundingka chara dikena nentuka bala nembiak ulih belajarka bidang Sains, Teknologi, Injinir enggau Matematik (STEM).
Ku iya, sida mega patut nyikap diri enggau set pengelandik ke besai awakka ulih ngemansangka pikir runding, penau mutar penanggul enggau kreatif.
Kenu ku iya mega, entara chara ke digaga iya nya dikena ngatur runding enggau semua piak ke bisi penau kelimpah disikap enggau pansik penuh.