Tanggungpengawa bejalaika polisi meseti nitihka pengelandik staf ti patut ngembuan pengeransing gawa enggau komited
BINTULU: Nadai polisi ngatur pengawa enggau pogram pemansang ti manah enggau nyata, nengeri tu enda ulih nyapai asil dalam jeman ubah industri 4.0 ke lalu minta ketuai di nengeri tu seruran ngatur pengawa nentuka polisi nya dibantai seriris enggau pengerembai ubah diatu ti mudah dipejalai.
Menteri Muda Perambu Mengeri, Pengatur Tanah enggau Rampa Menua Datu Len Talif Salleh madah, tanggungpengawa bejalaika polisi tu mega patut nitihka pemintar staf perintah ke patut nyikap diri enggau penemu, ngembuan ulah sereta runding ti manah sereta seruran beratika isu kemaya hari ngambika seriris enggau peminta rayat.
“Staff perintah patut bejalaika pengawa ti diberi enggau manah sereta komited lalu enda melakangka pemerat pinta nengeri,” ku iya bejaku maya bejadika ‘Majlis Anugerah Perkhidmatan Cemerlang’ Opis Kampung Sarawak di Emerald Ballroom Hotel Promenade Bintulu malam kemari.
Iya ti ngarika Sapit Kepala Menteri ke mega Menteri Pemansang Mengeri Enggau Pengeraja Asal Kedua sereta Menteri Industri enggau Pemansang Pengawa Dagang Datuk Amar Awang Tengah Ali Hassan.
Bisi 69 iku staf nerima setipikit meri basa ‘Anugerah Perkhidmatan Cemerlang’
Staff perintah patut bejalaika pengawa ti diberi enggau manah sereta komited lalu enda melakangka pemerat pinta nengeri. Datu Len Talif Salleh Menteri Muda Perambu Mengeri, Pengatur Tanah enggau Rampa Menua
ti nitihka pemutus tikas penyulut gawa taun 2017 nyengkaum meri basa ngagai pemesai ti nyadi chunto enggau semilan staf ti deka pinchin taun tu. Tiga pemesai ti nerima ‘Anugerah Pegawai Contoh’ Pemesai Pemansik Dr Ahmad Ampeng, Penulung Pengintu Kampung Fatimah Mohammad enggau Pemesai Kampung Martin Jandom ke semua nya nerima plak enggau insentif RM1,000.
Sama bisi diatur mega pengawa nyuaka agih belanja Sarawak Timber Association ( STA) sepenyampau RM149,810 ngagai Opis Kampung dikena ngemansangka ‘ Database Development for Forest Management Unit (FMU) Certification Sarawak’. Sama datai Sapit Direktor Opis Kampung Sarawak Jack Liam enggau Residen Bagi Menua BIntulu Jack AMan Luat.
Len Talif madah, tanggungpengawa ti udah dilempai ngagai staf perintah nya dikena nentuka rayat ngasaika pemaik baka ti dikingin perintah berindik ari rayat besetuju nyukung polisi pemansang nya alai semua raban ulih nyingkang seriris enggau pangan diri dikena ngemansangka nengeri tu, lalu pia mega ngangkatka sektor servis perintah nengeri betikas dunya.
Ku iya, perintah nengeri seruran ibuh sereta bebendar nentuka guna sereta ngintu pengelantang pendiau staf perintah nengeri ti endang dikemerat enggau meri insentif ti nitihka pematut nganbika pemeri nya diberi enggau betul lalu enda disalah guna sekeda raban bukai.
Ku iya, napi empas Revo- lusyen Industri Keempay (IR4.0) ti begunaka ‘Internet of Things’ (IoT) dalam semua aspek pengawa besehari-sehari lalu seriris enggau juluk kepala menteri ti dekaka teknologi dikena nya alai tu minta ngambika semua nyadi kreatif agi.
Iya minta staf Opis Kampung ngambika seruran berati sereta ngemayuhka penemu enggau pengelandik kelebih agi dalam bidang teknologi penerang dikena nambahka makit lalu ulih nyamin sistem servis ke produktif, bkualiti enggau nyulut.
Beserimbai enggau nya mega iya nangkan staf perin- tah ngambika enda salah guna teknologi enggau media rama.
Ku iya, Opis Kampung Ulih nyadi pemun ngagai semua ejensi kampung di nengeri tu ukai semina ngintu enggau nyaga tang ngangkatmanah dalam pengawa ngatur semua ti seriris enggau pematut ti nyengkaum isu global sereta peminta IR 4.0.
“Taja pia, kitai patut neruska agenda pemansang tang agi ngetanka pemanah kampung terus dijaga laban kampung ukai semina ungkup guna diatu tang mega ungkup raban nembiak rebak baru,” ku iya.