Tu dikena ngiga chara pemadu manah ba atur meri tinda projek ba nengeri tu sereta nentuka nadai ulah makai suap
KUCHING: Perintah Sarawak ngelaluka buah penemu ari komiti nagang makai suap menua dikena ngiga chara pemadu manah nunjukka proses tinda tebuka sereta nentuka komiti meri projek ba nengeri tu beresi ari makai suap.
Nya alai, Kepala Menteri Datuk Patinggi Abang Johari Tun Openg madah sida deka betemu enggau Komiti Nagang Makai Suap Malaysia (SPRM) enda lama agi dikena ngulihka buah penemu.
“Kitai deka berandau enggau SPRM enda lama agi endur betanya penemu,” ku iya madah pandak nengah Whatsapp ngagai Borneo Post Online maya dipinta meri timbal bekaul penerang Direktor SPRM Sarawak, Razim Mohd Noor kemari.
Razim nengah sebengkah penerang apin lama ke udah madah SPRM Sarawak engka enda nyereta aum kaunsil tender laban nya ulih ngujungka ‘neutraliti’ ejensi nagang makai suap nya dipetalat.
Razim mega madah deka nerangka pekara nya ngagai Kepala Menteri lalu ngaga perambu ke pemadu manah bekaul enggau pekara nya.
Berebak enggau nya, Menteri Muda Undang-Un- dang, kaul Sarawak enggau Perintah Besai sereta Matau Projek, Sharifah Hasidah Sayeed Aman Ghazali madah Sarawak nadai ngelalaika sebarang utai lalu deka ngatur pengawa enggau manah iya nya mai raban pematau ngagai aum tender.
“Kami deka SPRM ngambi bagi laban penyakal ngaga peragam kami ti bisi makai suap. Nyadi Kepala Menteri berunding deka mai raban SPRM enggau Ketuai Audit,” ku iya.
Ku terang Hasidah mega, SPRM enda ibuh nangi pasal integriti sida nyema nyereta aum tu enti sida beamaiamai deka ngelaban penyalah makai suap enggau salah guna kuasa.
“Tu endang pasal nguji ngereja pengawa enggau manah berengkah ari pun. Aku berati nadai sebarang penanggul nyema sida nyereta aim tu. Enti SPRM bisi enggau dia, sida ulih madah pekara ke salah, enggau nunjuk pekara ke betul,”ku iya.
Tandu Hasidah Perintah Gabungan Parti Sarawak (GPS) diatu betapi enggau gempung penyakal ke nguji ngelaban intergriti perintah nengah chara mantaika peragam penemu.
“Kitai betapu enggau pen-
Kitai deka berandau enggau SPRM enda lama agi endur betanya penemu. Datuk Patinggi Abang Johari Tun Openg Kepala Menteri Sarawak
yakal ti nguji meragam enda manah ngagai perintah diatu lebih agi Kepala Menteri. Kepala Menteri endang orang ke beresi.
“Penyakal nguji mantaika peragam enda betul iya nya Perintah GPS tu makai suap. Dikena nentuka pekara nya betul ari pun, nya mih kebuah kami minta SPRM nyereta kami dalam aum tender,” ku iya.
Hasidah berebak enggau nya ngarap SPRM ulih ngambi bagi ba aum tender tu lalu mantu perintah meresa atur, ngerara pekara ke salah enggau madah penemu pekara ke patut digaga.
Enti SPRM nyengala deka ngelaban makai suap, sida mesti sedia begulai dalam aum kaunsil tender, ku Hasidah.