‘Uniform’ PBS ulih nyadi peransang ngagai JBPM
Nya deka nempa nama enggau rita ti pegari sereta nyadika peransang JPBM meri servis enggau manah
mansa Jalai Seng Lee, Jalai Repok, Jalai Masjid Lama, Jalai Sherif Masahor, Jalai Abdul Rahman, Jalai Abdul Razak, Jalai Whark, Jalai Repok, Jalai Nyelong Road, Jalai Getah lalu nikal pulai ngagai Komplek Lumba.
Pengawa disimpul ngena sembiang nutup diuluka Pasor Ting Ik Tuang. KUCHING: Pengawa meri ‘ uniform’ ungkup Raban Bomba Volunteer ( PBS) endang siti chara manah ungkup Opis Bomba enggau Penyelamat Malaysia ( JBPM) negapka agi tim enggau kaban dalam PBS, pia ku Direktor JBPM Sarawak Khirudin Drahman.
Senipak enggau pengerejista PBS dipejalaika JBPM ku iya, nya deka nempa nama enggau rita ti pegari sereta nyadika peransang JPBM meri servis enggau manah.
“Ngena uniform ti menyana deka meri empas manah enggau ‘sense of belonging’ ngagai kaban (PBS). Pengasai ati segulai sejalai deka seruran bisi,” ku iya madah ngagai Utusan Borneo, ensana.
Khirudin meri penerang iya lebuh ditanya bekaul enggau JPBM deka numbuhka pakaian seragam khas ungkup 14,308 anggota ti nyereta 386 PBS diserata menua berengkah taun baru (2019).
Kelimpah ari nya, Khirudin lebuh ditanya bekaul enggau pemayuh kaban PBS, iya madahka beduduk ari rampa menua nengeri tu ke chukup besai endang bisi pematut penyampau kaban nya ditambah.
Iya bepenemu patut ditambah lebih agi di menua pesisir laban diatu mayuh amat kes angus rumah panjai.
Ba Sarawak ku iya urung 4,000 lebih rumah panjai lalu JPBM Sarawak patut merambu chara strategik dikena betapi enggau isu kritikal (kes angus rumah panjai).
“Dalam konteks di Sarawak,
“
Ngena uniform meri empas manah’sense of belonging’ kaban (PBS). Pengasai ati segulai sejalai deka
” seruran bisi.
Khirudin Drahman Direktor JBPM Sarawak
nambahka tim enggau kaban PBS amat beguna laban rampa menua nengeri tu besai awakka ulih meri servis ti engkeman taja pan ungkup belanja ti bisi tatak.
“Ba Sarawak diatu kitai bisi 48 PBS ti mungkur 1850 iku kaban. Juluk kitai nyentuk tengan taun 2019 deka bisi 60 tim enggau 2,000 iku kaban PBS.
“Ba rumah panjai ke besai tauk mayuh pintu kitai nagit numbuhka PBS lalu ke mimit tauka pandak kitai meransang sida numbuhka bomba komuniti enggau Fire Point,” ku iya.
Bejaku baru iya madahka Pegawai Bomba Bantuan mega mantu mengawalselia balai, bomba komuniti sereta Fire Point.
Kelimpah ari nya Khirudin madahka piak iya mega benung bejalaika beberapa inisiatif enggau bejalaika program baka Creating the Champion ungkup tuai rumah, ketua kaum, pemanca enggau kapitan sereta pengari rayat.
Ari tu ku iya, rabn ke nyereta program nya deka bekuns sereta mai program nya ngaga akar umbi, kelimpah ari bis perambu numbuhka insentif enggai program kepimpianan ngagai ketuai raban bansa.
Apin lama, JPBM deka numbuhka pakaian seragam khas ungkup 14,308 anggota ti nyereta 386 PBS diserata menua berengkah taun baru (2019).
Nitihku Sapit Ketuai Direktor (Operasi) JBPM Datuk Amer Yusof madahka nya dikena ngenegapka tanggungpengawa PBS seraya ngemanahka agi ke bukai baka nyemakaka jam gawa enggau elawin nurun ngagai palan penusah.
“Kediatu PBS semina kuns lambang ti sama tang enda pakaian seragam khas laban bansa pakaian ditentuka nitihka pengulih enggau bajet tim diri empu,” ku Amer, bepelasarka ribut berita Bernama.