Program Bengkel Penemu Ekonomi Digital mantu nambah penatai pemisi
Pengawa ngatur lima program Pejalai Bengkel Penemu Ekonomi Digital mantu raban indu nambahka penatai pemisi ba industri dagang temuai.
Bengkel ti berambaika jaku ‘Homestay Experince Host’ diatur ba lima endur serata Sarawak.
Presiden Persatuan Usahawan Wawasan Wanita Sarawak (SARANITA), Jamilah Shukri madah raban sida nagit 1,000 penyereta sepanjai lima endur program pejalai nya.
“Tagit kitai iya nya ungkup raban nembiak mantu ngelakuka homestay sereta matak bala temuai.
“Kelimpah ari nya, kitai meransang penyereta ari mensia mayuh ti bisi ati.
“Naka diatu, timbal ari bala penyereta endang chukup manah,” ku iya rambau Bengkel Penemu Ekonomi Digital ti diatur ba UNIMAS kemari.
Sepenyampau 210 penyereta nyereta Bengkel Perkongsian Ekonomi Digital ti berambaika jaku ‘Homestay Experince Host’ ba UNIMAS ensana.
Bengkel diatur Perbadanan Ekonomi Digital Malaysia (MDEC) enggau kerejasama SARANITA enggau COM- PASS Event Management.
Sama datai Menijar Projek Pelatih Perkongsian Ekonomi Digital ‘Penginapan’, Shamsul Risman Mohd Rais enggau Ketuai Direktor Showing Economy Ecosystem Division MDEC, Darzy Nor Halim.
Ku iya, lima endur ngatur bengkel Penemu Ekonomi Digital iya nya ba Kota Samarahan (UNIMAS 15 Disember), Serian (Balai Komuniti Bilik Santapan 16 Disember), Miri (Institut Kemahiran Belia Negara 22 Disember), Bekenu (Balai Komuniti Bekenu 23 Disember) enggau Kuching (Hotel Dormani 29 Disember).
Nitih ku iya, bala penyereta dipinta bekerejasama enggau pengempu homestay, rumah bemalam enggau ke bukai dikena mantu nambahka industri dagang temuai nengah digital.
Ku iya raban nembiak tau bejual tauka ngelakuka pake homestay ari rumah.
“Penyelarasan chara terus bepanggai enggau produk iya nya isi pemadu manah ungkup raban nembiak.
“Semua operator homestay rumah bemalam tauka iya t bekaul sereta bala nembiak ti bisi ati nambahka penata pemisi endang diperansang ngulu bengkel tu.
“Chara ti muntang amat bala penyereta semina mantu ngelakuka pakej homestay dikena nambahka belanja.
“Ari chara bekerejasama ngaul sebarang homestay nengah pengawa ngelaku online antara gaya pemadu baru dikena nambahka belanja,” ku iya.
Ku iya, udah tu bengke deka diatur ba Balai Komunit Bilik Santapan, Serian kena Hari Minggu tu.
Penerang silik tau telefon nuju Jamilah Shukri ba lumur 019 8879495 enggau Nur Linda 018 9810889.