Bario begunaka bomba dikena ngadang penusah ngenyit
Opis mit bomba nangkup peminta tanah tinggi Kelabit, 14 rumah panjai, opis perintah, sekula enggau kedai dia
BARIO: Kaban Kunsil Nengeri ( ADUN) Mulu Datuk Gerawat Gala deka minta Perintah Sarawak nirika opis mit bomba di Bario dikena nangkup peminta majak nambah enggau nambahka pemanah pengawa nagang penusah angus ba tanah tinggi Kelabit.
Gerawat, ti mega Sapit Speaker Aum Kunsil Nengeri ( DUN) madahka langgur penemu nirika opis mit bomba berindik ari peminta dibantaika Opis Pengerara Api enggau Penyah Penusah (Bomba) Miri enggau Unit Volunteer Bomba menua tu.
Iya ngarapka langgur penemu opis mit bomba nya ila ulih nangkup peminta bala pengundi iya dia datai ari 14 buah rumah panjai sereta mega opis perintah, sekula enggau kedai ba kandang tanah tinggi.
“Aku deka berandau enggau perintah nengeri, Opis Menteri Kaunsil Kandang Menua sereta mega raban ngempu tanggungpengawa bukai sentang pengawa nirika opis bomba mit ba Bario enda lama agi.
“Enti enda taun tu, kitai
“
Aku deka berandau enggau perintah nengeri, Opis Menteri Kaunsil Kandang Menua sereta mega raban ngempu tanggungpengawa bukai sentang pengawa nirika opis bomba mit ba Bario
” enda lama agi.
Datuk Gerawat Gala ADUN Mulu
ngarap deka ulih nirika opis mit bomba tu taun baru tauka enda lama agi,” ku iya lebuh bejaku bejadika pengawa nutup kus Latih Pemun Unit Bomba Volunteer Bario ba Balai Komuniti Bario, ditu, ensanus.
Gerawat muji Bomba Miri, di baruh pegai ketuai sida, Law Poh Kiong, udah mujur ngatur kus tiga hari berunggu ungkup komuniti menua pesisir Bario dikena numbuhka unit volunteer, kelimpah ari atur kem bukai sida ninting taun.
“Tu program enggau strategi chukup manah laban tu ngemai pangka ngaul bala komuniti menua pesisir enggau nyikap sida ngena latih berega ngambika sida ulih mantu diri empu, enggau fukus pasal nagang penusah angus ba kandang menua pesisir,” ku iya madah nyemetak, seraya minta opis nampung pengawa baka nya ba kandang menua pesisir bukai nyengkaum ba Poyut/Lubok Nibong, Tutoh enggau Ulu Baram.
Iya nangkan peranak rumah panjai ngambika bejimat maya ngena kereban elekterik lalu anang sengapa nyambung tali karan kin kitu dikena nagang ari sebarang penusah sut tali karan, baka ti nyadi ba SK Bario, Long Seridan enggau Long Peluan di Baram kandang tiga taun ke udah.
“Enti kitai begunaka sambung tali karan ba rumah, kangau orang ti patut ngereja pengawa, anang temil. Betanya nuju Sarawak Energy sapa bagi orang ti nemu gawa.
“Anang kelalu ngenyadika belanja, enti enda kita deka lenyau kesemua keresa ru- mah,” ku iya nangkan.
Gerawat mega ngingatka bala kaban Unit Volunteer Bomba Bario seruran ngatur latih enggau nentuka kereban ngerara api semampai manah sereta diintu meruan.
Berebak enggau pengawa nya, Gerawat ngemendarka agih belanja penyampau RM15,000 ari Projek Mit Pemansang Menua Pesisir (MRP) ngagai Unit Volunteer Bomba Bario dikena meransang sida belatih enggau meruan. Sepenyampau 100 perengka pengerara api mega diagih ngagai 14 bengkah genturung pendiau ba pelilih mit Bario.
“Aku chukup muji bala Bomba kitai lalu aku deka naka ulih gawa begulai enggau sida ari nyukung aktiviti diatur sida. Aku ngarapka program baka tu deka ditampung ngagai genturung pendiau bukai, ukai semina ba sitak aku ditu, tang mega selampur sitak parlimen Baram enggau semua kandang menua peisisr serata nengeri.
“Aku ngarapka raban Bomba deka seruran ngemanahka aktiviti sida enggau penyulut pengawa, semina ari tu aja opis mit bomba deka nyadi nyata,” ku Gerawat nambah.
Sama datai Chairman Unit Volunteer Bomba Bario Frazier Kaya, SAO Edwin Jelenggai Opis Pelilih Mit Bario Ketuai Bomba Zone 6 Law Poh Kiong, Ketuai Opis Bomba Marudi Maureen Sim Ketuai Ari Operasyen Langit Bomba Miri Bomba Ahmad Fissol Ismail, Penghulu Robertson Bala, Penghulu Freddie Abun enggau Penghulu Robin Udau.