Perintah Sarawak merambu 10 palan dikena berumah baru
Semua palan pemesai beratus ikar ti diperambu tu iya nya dikena nyediaka rumah ke ulih dibeli ungkup peranak nengeri tu
KUCHING: Perintah Sarawak bisi merambu 10 palan pemesai beratus ikar ngagai Perintah Besai ungkup tuju numbuhka genturung pendiau berumah baru.
Menteri Kaunsil Kandang Menua enggau Pengawa Berumah Dr Sim Kui Hian madah genturung berumah nya nyendia rumah ke ulih dibeli ngagai peranak nengeri tu.
Ku Dr Sim, Gempung Pemansang Pengawa Berumah (HDC) udah mantaika perambu nya ngagai Menteri Berumah enggau Opis Kunsil Malaysia (KPKT) Zuraida Kamaruddin ba penemuai kereja iya ke Sarawak ba bulan Ogos 2018.
“Diatu kitai semina nganti Zuraida meri agih belanja dikena ngaga rumah ulih dibeli di Sarawak,” ku iya.
Dr. Sim dipinta nimbal jaku pemesai ‘khas’ KPKT Voon Shiak Ni ke bekait enggau isu nya ba sebengkah pengerami di Waterfront Kuching ditu, kemari.
Voon ba aum pengarang berita di Indu Opis Parti Keadilan Rakyat (PKR) Hari Lima tu tadi minta Sarawak meri kerejasama ngagai Perintah Besai lalu nyendia tanah ngambi tau dikena KPKT ngaga mayuh agi rumah ulih dibeli ditu.
Ba piak Perintah Sarawak ku Dr. Sim, Kepala Menteri Datuk Patinggi Abang Johari Tun Openg ngenuku dua polisi baru ke bekait enggau pengawa berumah.
Keterubah ku iya, rumah ulih dibeli ditetap ba rega entara RM90,000 nyentuk ngagai RM150,000 siti ketegal Perintah Besai udah netapka rega rumah ulih dibeli baruh ari RM300,000.
Berindik enggau nya, Perintah Sarawak ku iya mutus netapka rega rumah ulih dibeli ba rega baruh ari RM150,000 siti.
“Taun tu bisi 2,500 iti rumah diperambu digaga alai kitai diatu benung ngadu keretas kereja ngambika pekara tu ulih disadung ngagai mensia mayuh lalu ngenataika pinta deka meli.
“Polisi kedua, kabinet Nengeri udah ngemendar semua palan pengentap pendiau baru meseti disedia enggau jalai tar sereta digaga parit konkrit,’ku iya.
Beambika chunto Rumah Sri Pertiwi, rumah diak digaga nengah kerejasama gempung pemansang peribit nengah rega kurang ari RM300,000.
“
Diatu kitai semina nganti Zuraida meri agih belanja dikena ngaga rumah ulih
” dibeli di Sarawak.
Datuk Dr Sim Kui Hian
Menteri Kaunsil Kandang Menua enggau Pengawa Berumah