DUN Jemoreng randaka opis ketuai komuniti ungkup pengelantang rayat
Kaban Kunsil Nengeri (ADUN) Joemoreng Datuk Dr Juanda Jaya minta bisi opis ungkup ketuai komuniti ba sitak dipegai iya.
Iya madah munyi nya laban dikena ngemuntangka rayat betemu enggau ketuai komuniti ti udah dichiri.
“Tu dikena ngemuntangka rayat betemu enggau ketuai komuniti ba kandang menua sida empu,” ku iya ba Pengerami Nyuaka Setipikit Nyiri Ketuai Komuniti eng- gau Ketuai Kampung di Opis Pelilih Matu bedau lama ti udah.
Beserimbai enggau nya, pekara tu mega deka nerenakka penemu ngagai rayat di kandang menua nya ngambika betemu enggau ketuai komuniti nitihka jam sereta maya ti udah ditetapka.
Juanda mega madahka semua ketuai komuniti patut bekereja nitihka ubah pemansang dunya kemaya hari.
Kelimpah nemu sebarang pekara ti nyadi tauka isu di renggat baruh enggau ti bekaul nembiak redak sida, sida mega patut bebendar mekuh enggau penanggul rama ti nyadi di kandang menua dipegai sida.
Tu kelebih agi bekaul isu gian dadah ti benung nyadi di kandang menua tebing sungai diatu.
Bala ketuai komuniti patut meri penerang ti betul sereta beguna lalu bekerejasama enggau raban opis pelilih nyema bisi sekeda pekara ti bisi ngirauka sida.
Kerejasama bansa nya, ku iya, deka nentuka pekara negatif tau nyadi jai agi.
Kelimpah ari nya, Residen Mukah Hamdiah Bakir madahka deka ngelangkar program t ulih ngangkatka pengelandik Komiti Pemansang enggau Pengelikun Genturung Pendiau enda lama agi.
Maya pengerami tu, bisi 16 pangku pengawa baru dichir lalu 10 setipikit nyiri pangku pengawa ti ditampung.