Perintah PH keran ngereja pengawa ke pemadu manah
Ngambika ulih nangkup pinta enggau peneka rayat sereta ngamatka semaya ke pemaik menua
KUCHING: Perintah Pakatan Harapan (PH) keran ngereja pengawa ke manah ungkup pemaik menua sereta ngamatka semaya ke udah diberi ngagai rayat.
Chairman Parti Keadilan Rakyat (PKR) Sarawak Baru Bian madah tajapan ngambi kuasa merintah menua ba maya ekonomi ke enda manah, raban ketuai PH keran nangkup pinta enggau peneka rayat.
“Perintah baru keran ngereja pengawa ke pemadu manah pengudah diberi pengarap nyadi ketuai ba menua tu.
“Kitai sama bela nemu, kami megai perintah ba maya tusah ke alai ekonomi menua enda manah lalu tu nyadi pemar ungkup raban ketuai PH.
“Kami nemu rayat ke udah meri awak ngagai kami nyadi ketuai ngembuan juluk sida empu. Kami minta sida sama
“
Perintah baru keran ngereja pengawa ke pemadu manah pengudah diberi
” pengarap nyadi ketuai ba menua tu.
Baru Bian
Chairman Parti Keadilan Rakyat (PKR) Sarawak
bela begulai enggau kami ke alai kami deka meri ke pemadu manah ungkup komuniti,”ku Baru.
Iya mansutka jaku nya ba aum pengarang berita pengudah ngulu pengerami ngelalu pengabang Taun Baru Cina 2019 PKR ke diatur di Indu Opos PKR di Batu tiga ditu, kemari.
Sama bela datai Chairman PH Sarawak ke mega Chairman DAP Sarawak Chong Chieng Jen.
Ku Baru nambah, Perintah PH baru megai perintah pengelama 8 bulan lalu rayat dipinta arapka raban ketuai PH.
Kaban Parlimen(MP) Selangau nya madah semua ketuai dalam PH ngembuan pengelurus ngereja pengawa ungkup pemaik rayat.
“Ni pengelama kami ulih ngamatka semaya ukai pekara ke berat tang ke pemadu berat iya nya pengeran kami ngereja pengawa enggau naka pemanah,’ ku Baru ke mega Menteri kereja Raya.
Bela datai Kaban Kunsil Nengeri( ADUN) Batu Lintang See Chee How, MP Puncak Borneo Willie Mongin enggau orang bukai.