TYT enggau bini iya udah ngabang TBC ngagai bala ketuai di Miri
Tuai Megai Menua (TYT) Yang DiPertua Negeri Tun Pehin Sri Abdul Taib Mahmud enggau bini iya Toh Puan Datuk Patinggi Ragad Kurdi Taib neruska pengawa ngabang Taun Baru China (TBC) kilah ensana ngusung bala kaban.
Pengawa ngabang nya berengkah ba rumah pengemeran pengawa dagang Dato Lau Sie Wai enggau rumah Menteri Muda Dagang Temuai, Seni enggau Main Asal Datuk Lee Kim Shin.
Sepengudah nya, TYT enggau bala kaban iya neruska pengawa ngabang ngagai siku agi oang dagang ti pemadu dikelala iya nya Datuk Hii Chang Pee sebedau ke rumah orang korporat Tan Sri Yaw Teck Seng.
Beserimbai enggau nya, bala sida ti ngabang nyempuang TYT udah dinah enggau makai tengahari.
Kelimpah ari nya, muakka lemai TYT enggau bini iya udah ngawakka diri ngusung pendam apai iya Mahmud Yahya ba Pendam Sungai Bakong, Krokop ditu sebedau mulaika diri ke Sibu ngulu program ngabang Taun Baru China ba bagi menua nya.
Sama bisi enggau TYT seduai bini iya nya Sapit Kepala Menteri Datuk Amar Awang Tengah Ali Hasan, Mensteri Muda e- Dagang ke mega Menteri Muda Pemansang Dagang Mit enggau Jelan Pemesai Datuk Naroden Majais sereta Kaban Kunsil Nengeri ( ADUN) Piasau Datuk Sebastian Ting sereta ADUN Lambir Ripin Lamat. SELAMAT TAHUN BARU CINA: TYT dan isteri ( tengah) serta rombongan bergambar kenangan bersama Lee sekeluarga ketika mengunjungi kediaman menter muda itu semalam.